အမေရိကန်နိုင်ငံ Taxas ပြည်နယ်မှာနေထိုင်တဲ့ Grace Novacheck လို့ခေါ်တဲ့ မိန်းကလေးတစ်ဦးဟာ Escobar's syndrone လို့ခေါ်တဲ့ ထူးထူးဆန်းဆန်းရောဂါ အခြေအနေတစ်ခုနဲ့ မွေးဖွားလာခဲ့ပါတယ်။

ဒီရောဂါကြောင့်ပဲ သူမရဲ့ ရုပ်ပိုင်းဆိုင်ရာ လှုပ်ရှားမှုတွေကို ထိန်းချုပ်ခံထားရသလို ဖြစ်ခဲ့ပြီး သာမန်လူတစ်ယောက်လို နေထိုင်ခွင့်မရခဲ့ပါဘူး။

သူမရဲ့မိဘတွေ​ဖြစ်တဲ့ Sunny နဲ့ Marcus ကတော့

ငယ်ငယ်လေးထဲကနေ သမီးလေး Grace ကို သာမန်လူတစ်ယောက်လို နေထိုင်နိုင်ဖို့အတွက် ဆေးကုသမှုတွေ တောက်လျှောက်လုပ်ပေးခဲ့ကြပါတယ်။

Grace လေးဟာ အသက် ၁၄ နှစ်ရောက်ရှိလာတဲ့ ယခုအချိန်ထိ surgery ပေါင်း အခု ၃၀ လောက်လုပ်ထားခဲ့ရပြီး နာကျင်မှု​တွေကို သည်းခံရင်းနေလာရသူ တစ်ယောက်ပဲဖြစ်ပါတယ်။

သူမရဲ့ဆေးကုသ ကုန်ကျစရိတ်အနေနဲ့ဆိုရင်လည်း $100,000 လောက်ရှိနေပြီလို့ သိရပါတယ်။

Grace ဟာ မေးရိုးခွဲစိတ်မှုတွေအပြင် အခြားသော ခန္ဓာကိုယ်အစိတ်အပိုင်းတွေကိုလည်း ခွဲစိတ်ထားပေမယ့် မျက်နှာကလည်း စောင်းနေသလို ခြေလက်တွေကလည်း ပုံမှန်မဟုတ်တဲ့ အနေအထားနဲ့ နေထိုင်နေရ​သေးတာပဲ ဖြစ်ပါတယ်။

အနာဂတ်မှာလည်း သာမန်လူတစ်ယောက်လို နေထိုင်နိုင်ဖို့ဆိုတာ မသေချာပေမယ့် Grace ဟာ စိတ်ဓာတ်မာမာနဲ့ သူမရဲ့နေ့စဥ်ဘဝကို အလှဆုံးပြုံးထားရင်း ဖြတ်သန်းနေပါတယ်။

မိဘတွေအနေနဲ့လည်း စိတ်မကောင်းဖြစ်ရပေမယ့် သမီးလေးရဲ့မျက်နှာလေးကိုကြည့်ပီး စိတ်ချမ်းသာအောင် ထားပေးနေကြသလို တတ်နိုင်သမျှ ဖြည့်ဆည်းပေးနေကြပါတယ်။

သတင်း အရင်းအမြစ်៖ Daily Mail