ကျောင်းတွေစတင်ဖွင့်လှစ်တဲ့ ဒီကနေ့ ဇွန်လ(၁)ရက်နေ့မှာပဲ မီးလောင်မှုတွေဖြစ်ပွားခဲ့သလို ယာဉ်တိုက်မှုကြောင့်လည်း တော်တော်များများ ထိခိုက်ဒဏ်ရာတွေ ရရှိခဲ့ကြပါတယ်..။

ယနေ့မနက် ၉နာရီဝန်းကျင်လောက်က ကချင်ပြည်နယ် ဝိုင်းမော် မိုင်းနားကျောင်းအနီးမှာ ကားနဲ့ဆိုင်ကယ် တိုက်မှုကြောင့် ကားပေါ်ပါ ကျောင်းဆရာမတွေ ဒဏ်ရာအပြင်းအထန်ရရှိခဲ့ကြတယ်လို့ သိပါတယ်..။

အရှိန်ပြင်းလွန်းတဲ့ ယာဉ်တိုက်မှုကြောင့် ဆိုင်ကယ်က ရစရာမရှိအောင် ပျက်စီးခဲ့သလိုကားတိမ်းမှောက်ခဲ့တာကြောင့်လည်း ဒဏ်ရာတွေရရှိထားကြတဲ့ ကားပေါ်က ကျောင်းဆရာမတွေကိုတော့ အနီးအနားက ပြည်သူတွေက ခက်ခက်ခဲခဲနဲ့ အချိန်မှီဝိုင်းဆွဲထုတ်ခဲ့ကြတာလည်း တွေ့ရပါတယ်..။

ကားနှင့်ပါလာသူအားလုံးနီးပါးမှာ ကျောင်းဆရာမတွေဖြစ်ပြီး သွေးသံတလုံးလုံးနဲ့ အခုလို ထိခိုက်မှုတွေကြောင့် ပြည်သူတွေကလည်း စိတ်မကောင်းဖြစ်နေကြပါတယ်..။

အဆိုပါဖြစ်စဉ်နဲ့ ပတ်သက်ပြီး အခုလိုဆိုးရွားနေတဲ့ ပြည်တွင်းရေးအခြေအနေတွေမှာ ကျောင်းသားတွေနဲ့ ဆရာမတွေအနေနဲ့ အိမ်မှာပဲ ဘေးကင်းလုံခြုံအောင်နေထိုင်ဖို့ မေဦးက စိတ်မကောင်းစွာ တိုက်တွန်းထားပါသေးတယ်..။

"ဆရာမတွေရယ် ကျောင်းသားတွေကို

ကျောင်းလွှတ်တဲ့မိဘတွေရယ် နားလည်ကြပါကွယ်..

တိုင်းပြည်အခြေအနေက လုံးဝကောင်းတာမဟုတ်ဘူး.. 

ကိုဗစ်လိုအခြေအနေမှာတောင် stay home နေခဲ့ပြီးပြီလေ အခုလိုပစ်ခတ်ပြီး ဗုံးတွေပေါက်နေတဲ့အချိန်မှာ အိမ်မှာပဲနေကြတာအကောင်းဆုံးပဲလေ.." ဆိုပြီး မေဦးက ပြောပြထားတာဖြစ်ပါတယ်..။