ဖေဖော်ဝါရီလ (၁)ရက်နေ့မှစတင်ကာ ဖြစ်ပေါ်ခဲ့တဲ့အခြေအနေတွေကြောင့် ပြည်သူတွေအနေနဲ့တတ်နိုင်တဲ့ဘက်ကနေ အစွမ်းကုန်ကြိုးစားကာလူထုလှုပ်ရှားမှုတွေဆက်တိုက်ပြုလုပ်နေကြတာကို တွေ့မြင်ကြမယ်ထင်ပါတယ်။ တစ်နိုင်ငံလုံးအတိုင်းအတာအနေနဲ့လုပ်ဆောင်နေကြတဲ့ ဒီလှုပ်ရှားမှုကြီးမှာဆိုရင် ဒီမိုကရေစီလိုလားကြတဲ့ပြည်သူတိုင်းဟာ လူမျိုးဘာသာမရွေး၊ အသက်အရွယ်မရွေးပါ၀င်နေကြတာဖြစ်ပြီး အခုဆိုရင် ရက်ပေါင်း ၄၀ကျော်ကြာမြင့်နေပြီဖြစ်ပါတယ်။
ရက်ပေါင်း ၄၀ကျော်ကြာမြင့်နေပြီဖြစ်ပေမယ့်လည်း ပြည်သူတစ်ရပ်လုံးဟာအားမလျော့ကြပဲ နေ့စဉ်ရက်ဆက်လူထုလှုပ်ရှားမှုကြီးကို လုပ်ဆောင်နေကြတာဖြစ်ပါတယ်။ မြန်မာ့နွေဦးတော်လှန်ရေးဟာ အရှိန်အဟုန်မြင့်မြင့်နဲ့လုပ်ဆောင်နေသလို တစ်ဖက်မှာလည်း ဖြိုခွင်းမှုတွေဆက်တိုက်ကြုံတွေ့နေရတာကြောင့် ထိခိုက်ကျဆုံးနေကြရတဲ့ ပြည်သူအများအပြားလည်းရှိနေတာကိုတွေ့ရပါတယ်နော်......။
ဒီဒီနေ့မှာတော့ လူထုလှုပ်ရှားမှုတွေပြုလုပ်နေကြတဲ့ ရန်ကုန်တိုင်း၊ လှိုင်မြို့နယ်မှာဆိုရင် ပြည်သူ အယောက် ၅၀၀ခန့်ဟာ မြန်မာပြည်မြေပုံကို သရုပ်ဖော်ကြရင်း "WE NEED R2P SAVE MYANMAR...." ဆိုပြီးရေးသားပုံဖော်ခဲ့ကြသလို ကျဆုံးသွားခဲ့တဲ့သူရဲကောင်းတွေရဲ့ဓာတ်ပုံလေးတွေကိုပါ ထည့်သွင်းဖော်ပြထားခဲ့ကြတာဖြစ်ပါတယ်။ဒီပုံရိပ်လေးတွေဟာ ချက်ချင်းဆိုသလို Twitterမှာ ပျံ့နှံ့လာခဲ့တာဖြစ်ပြီး အနုပညာရှင်အတော်များများကလည်း တင်ပေးထားခဲ့တာကိုတွေ့ရပါတယ်။ ကဲ.....ပရိသတ်တွေအတွက် ပြန်လည်မျှဝေပေးလိုက်ပါတယ်နော်။
သတင်း အရင်းအမြစ်៖ Myanmarload