ပရိသတ်တွေက လိုက်ဖက်တဲ့ စုံတွဲတွေအဖြစ် သတ်မှတ်ထားကြသူတွေထဲမှာမှ သရုပ်ဆောင် ဝါဆိုမိုးဦးနဲ့ အဆိုတော် ဖြိုးလေးတို့ ချစ်သူနှစ်ယောက်ကလည်း အပါအဝင်ပါနော်။ အမြဲလိုက်ဖက်ညီပြီး စိတ်သဘောထားချင်းတိုက်ဆိုင်တဲ့ သူတို့နှစ်ယောက်က အနုပညာလှုပ်ရှားမှုတွေမှာလည်း အတူတွဲဖက်လုပ်ကိုင်နေသလို လက်ရှိဖြစ်ပေါ်နေတဲ့ နိုင်ငံရေးအခြေအနေတွေမှာလည်း အတူတူလမ်းပေါ်ထွက်ကာ ပြည်သူတွေနဲ့အတူ ရပ်တည်နေခဲ့တာဖြစ်ပါတယ်။
အပင်ပန်းခံကာ တရားမျှတမှု့အတွက် လမ်းပေါ်ထွက်ပြီး ပြည်သူတွေနဲ့အတူ တောင်းဆိုနေရုံသာမကပဲ တော်လှန်ရေးမှာ ကျဆုံးခဲ့ရတဲ့ အာဇာနည်သူရဲကောင်းတွေအတွက်လည်း ငွေကြေးအင်အားနဲ့ အလှူပြုခဲ့ပါသေးတယ်။
ဝါဆိုနဲ့ ဖြိုးလေးတို့ ချစ်သူနှစ်ယောက်က ဦးစီးကာ မြောက်ဥက္ကလာမှာ သေဆုံးခဲ့ရတဲ့ မိသားစုအတွက် အလှူငွေများစွာကို ကိုယ်တိုင်သွားရောက်ပြီး လှူဒါန်းခဲ့တာပဲ ဖြစ်ပါတယ်။
ချစ်သူ ဖြိုးလေးနဲ့အတူ လှူဒါန်းခဲ့တဲ့ ပုံတွေကို ဝါဆိုက သူမရဲ့ ဖေ့ဘွတ်စာမျက်နှာထက်မှာ တင်ပေးလာရင်း " မ/ဥမှာ ကျည်အတွဲလိုက်ထိ ခေါင်းထိ ကျဆုံးသူ ကိုဖိုးချစ် မိသားစုကို သွားရောက်လှူဒါန်းခဲ့ပါတယ် ဝါဆိုနဲ့ အတူပါဝင်လှူဒါန်းပေးကြသောအလှူရှင်တစ်ယောက်ချင်းစီတိုင်းကို ကျေးဇူးတင်ပါတယ်ရှင် အလှူငွေစုစုပေါင်း လေးဆယ့်နှစ်သိန်း၈သောင်းခြောက်ထောင်ပါ " ဆိုပြီး များပြားလှတဲ့ ငွေကြေးတွေကို သွားရောက်အလှူပြုခဲ့တာဖြစ်လို့ ပရိသတ်တွေကြည့်ရှုပြီး ပီတိဖြစ်မိစေမှာ အသေအချာပဲ ဖြစ်လို့ ပြန်လည်တင်ဆက်ပေးလိုက်ပါတယ်။
သတင်း အရင်းအမြစ်៖ Source - Warso Moe Oo's FB account