လတ်တလောမြန်မာနိုင်ငံအတွင်းမှာ ဖေဖော်ဝါရီ (၁)ရက်နေ့မှစပြီးဖြစ်ပေါ်နေတဲ့ အခြေအနေအရပ်ရပ်ကြောင့် ပြည်သူလူထုအနေနဲ့ တတ်နိုင်တဲ့ဘက်ကနေအစွမ်းကုန်ပါ၀င်လှုပ်ရှားနေကြကာ ငြိမ်းချမ်းစွာနဲ့လုပ်ဆောင်နေကြတာကို အားလုံးလည်းသိမြင်ကြမယ်ထင်ပါတယ်နော်.....။ လူထုလှုပ်ရှားမှုကြီးဟာ အခုဆိုရင် တစ်လခန့်ကြာမြင့်ခဲ့ပြီဖြစ်ပြီးတော့ ပြည်သူလူထုအနေနဲ့လည်း အားမလျော့သွားပဲဆက်လက်အရှိန်အဟုန်မြင့်ပြီး ဆောင်ရွက်နေကြတာဖြစ်ပါတယ်။
အရှိန်အဟုန်မြင့်မြင့်နဲ့ လုပ်ဆောင်နေကြတဲ့လူထုလှုပ်ရှားမှုကြီးအတွင်းမှာဆိုရင်လည်း အနုပညာရှင်တွေများစွာပါ၀င်လုပ်ဆောင်နေတာဖြစ်ပြီး ပိုင်တံခွန်တစ်ယောက်လည်း နေ့စဉ်ရက်ဆက်ပါ၀င်အားဖြည့်နေတာကိုတွေ့ရပါတယ်နော်။ ပိုင်တံခွန်ဟာ လူထုလှုပ်ရှားမှုကြီးအတွင်းမှာ Frontlineကနေ ပြည်သူတွေကိုတတ်နိုင်သရွေ့ကာကွယ်ပေးမှုတွေလုပ်ဆောင်နေတာဖြစ်ပြီး ရဲရဲဝံ့ဝံ့နဲ့ပါ၀င်လှုပ်ရှားနေတာကိုလည်း ပရိသတ်တွေမြင်တွေ့ကြမယ်ထင်ပါတယ်။
လူထုလှုပ်ရှားမှုကြီးဟာ အခက်အခဲအတားအဆီးတွေများစွာကြုံတွေ့နေရတဲ့အတွက် အသက်ပေးခဲ့ရတဲ့သူတွေအများအပြားလည်း ရှိလာနေတာဖြစ်ပါတယ်။ အခုလိုအသက်ပေးခဲ့ရတဲ့သူတွေအတွက် ပိုင်တံခွန်ဟာ သူ့ရဲ့ Facebookစာမျက်နှာမှာ "ဆုံးရှုံးသွားတဲ့ ညီ ညီမတွေရဲ့ မိဘတွေ ငိုနေတဲ့ video တွေ မြင်တိုင်း ကျနော် မျက်ရည်ကျမိတယ် ရင်းခဲ့တဲ့ အသက်တွေအတွက် ကြိုးစားနေတာပါ..." ဆိုပြီးရေးသားထားခဲ့ပါတယ်။ ပရိသတ်တွေအတွက်လည်း ပြန်လည်မျှဝေပေးလိုက်ပါတယ်နော်။
သတင်း အရင်းအမြစ်៖ Paing Takhon's Facebook acc