တောင်ကိုးရီးယားဟာ အလှအပနှင့်Skin Care အတွက်နာမည်ကြီးတဲ့နိုင်ငံဖြစ်ပါတယ်။ နိုင်ငံအတွင်းက မိန်းကလေးအများစုဟာ အသားအရေပြဿနာကိုအတော်လေးအရေးပေးကြပြီးတော့ ဂရုစိုက်ကြပါတယ်။ ပုံမှန်မိန်းကလေးတစ်ယောက်ရဲ့ Skin care လုပ်ခြင်းအဆင့် ၁၀ ဆင့်ကိုဖော်ပြပေးသွားပါမယ်။
အရင်ဆုံး အဆီပါဝင်တဲ့မျက်နှာသစ်ဆေးနှင့်မျက်နှာသစ်ပါတယ်။ မျက်နှာသစ်ပြီးသွားရင်နောက်ထပ် မျက်နှာသစ်တစ်ခုနှင့်ထပ်ပြီးမျက်နှာသစ်လိုက်ပါတယ်။ ဒီလိုနှစ်ဆင့်သစ်ခြင်းဟာ မျက်နှာကိုလုံလောက်အောင်သန့်ရှင်းစေဖို့အတွက်ဖြစ်ပါတယ်။ ပြီးတော့ တိုနာကိုလိမ်းပြီးနောက် အစိုဓာတ်ကိုထိန်းပေးဖို့အတွက် Essence ကိုအပေါ်ကနေထပ်လိမ်းလိုက်ပါတယ်။ အသားအရည်ကြည်ဖို့အတွက် Emulsion ကိုထပ်လိမ်းလိုက်ပြီးတော့ အပေါ်ကနေ Serum ကိုထပ်လိမ်းလိုက်ပါတယ်။
Serum ပြီးနောက်မှာ အသားအရေအစိုဓာတ်ကိုတစ်နေ့တာလုံးထိန်းထားနိုင်ဖို့ Mask ကပ်ကြလေ့ရှိပါတယ်။ Mask ပြန်ခွာပြီးနောက်မှာ မျက်လုံးအောက်ဖက်ကအရေအကြောင်းတွေကိုကာကွယ်ဖို့ Eye Cream လိမ်းကြပါတယ်။ ပြီးနောက်မှာတော့ Moisturizer လိမ်းလိုက်ပြီးတော့ အရေးကြီးဆုံးအဆင့်ဖြစ်တဲ့ နေလောင်ကာခရင်မ်ကိုနောက်ဆုံးအနေနှင့်လိမ်းလိုက်ကြတာဖြစ်ပါတယ်။ ဒီအဆင့်တွေအကုန်လုံးဟာ အသားအရေကိုထိန်းသိမ်းတဲ့အဆင့်တွေပဲဖြစ်ပြီးတော့ မိတ်ကပ်လိမ်းခြယ်တာမျိုးမပါဝင်သေးပါဘူး။