ဆီပြန်ဟင်းတွေ၊ အသုတ်တွေ မစားချင်တော့ဘူးဆိုတဲ့ သူတွေအတွက် လွယ်လွယ်ကူကူ နဲ့ အရသာရှိ ၊ အာဟာရပြည့်ဝတဲ့ ငါးဖယ်ကြော်လေး လုပ်စားကြည့်ရအောင်
ငါးဖယ်ကြော်လေး ရဖို့ လိုအပ်တဲ့ ပါဝင်ပစ္စည်းတွေကတော့
၁။ ငါးဖယ် ၂။ ကြက်သွန်မိတ် ၃။ ကြက်သွန်ဖြူ ၊ ဂျင်း ၄။ ဆား ၊ ဟင်းခတ်မှုန့် တို့ပဲ ဖြစ်ပါတယ်။
ပထမဆုံး ငါးဖယ်ကို အသားတင်းသွားအောင် ရိုက်လိုက်ပါမယ်။ အသားတင်းသွားပြီဆိုရင်တော့ ပန်းကန်လုံးတစ်လုံးထဲ ထည့်လိုက်ပါမယ်။ ကြက်သွန်မိတ် ၊ ကြက်သွန်ဖြူတို့ကို ပါးပါးလှီးပြီး ပန်းကန်လုံးထဲ ထည့်လိုက်ပါမယ်။ ငါးဖယ်နဲ့ အစာပလာတွေကို ရောသမ နယ်လိုက်ပါမယ်။ အရသာ နှံ့သွားအောင် နယ်ပြီးပြီဆိုရင်တော့ ဒယ်အိုးကို မီးဖွင့်ပြီး ဆီပူစေပါမယ်။
ဆီပူပြီဆိုရင်တော့ ဘာမှ ထပ်ထည့်စရာ မလိုဘဲ ငါးဖယ်ကို အလုံး သို့မဟုတ် အပြားလိုက် ပုံသဏ္ဍာန်လေး လုံးပြီး ထည့်ကြော်ပါမယ်။ တစ်ဖက်တည်း တူးမသွားအောင် အပေါ်အောက် လှန်ပေးပါမယ်။ မိနစ် ၂၀ ၊ မိနစ် ၃၀ လောက် ကြော်ပြီးရင်တော့ ပြီးပြည့်စုံတဲ့ ငါးဖယ်ကြော်လေးကို ရရှိသွားပြီပဲ ဖြစ်ပါတယ်။ လွယ်ကူလျင်မြင်စွာ လုပ်နိုင်တဲ့အပြင် အချဉ်လေးနဲ့ပဲ အဆာပြေ စားမလား ၊ ထမင်းနဲ့ တွဲဖက်စားမလား စားလို့ကောင်းမှာမို့ တစ်ခါလောက်တော့ စမ်းကြည့်ကြည့်ပါနော်။ ပူပူနွေးနွေးလေး စားရင် တကယ်ကောင်းတာမို့ နောက်တစ်ခါ ထပ်စားချင်မှာ အသေအချာပဲ ဖြစ်ပါတယ်။
Bong I.T