ကမ်းခြေသွားမယ့်ကောင်မလေးတွေအတွက် အလွယ်ကူဆုံးနှင့်ဖက်ရှင်ကျတဲ့ ဆံပင်ပုံစံများ

ဦးထုပ်ဆောင်းထားရင်း ဆံပင်တွေကို နှစ်ဖက်ပွပွစည်းတာကလည်း ကလေးဆန်တဲ့ပုံရိပ်လေးဖြစ်စေပြီးတော့ ချစ်စရာကောင်းစေပါတယ်။ ဆံပင်တွေရှုပ်ပွနေသလိုဖြစ်ပေမဲ့ ကမ်းခြေအငွေ့အသက်လေးဖြစ်စေတဲ့ဆံပင်ပုံစံဖြစ်ပါတယ်။ 

ကမ်းခြေသဲသောင်ပြင်တွေပေါ်မှာ အမိုက်စားပုံတွေရိုက်တော့မယ်ဆိုရင် ဒီလိုဆံပင်စည်းတာကိုလည်းမမေ့သင့်ပါဘူး။ ဆံပင်ကိုဖွပြီတော့ လက်ကိုင်ပဝါတစ်ထည်နှင့်စည်းထားခြင်းကအတော်လေးမိန်းမဆန်တဲ့အသွင်အပြင်ဖြစ်စေပြီးတော့ ကမ်းခြေနှင့်လိုက်ဖက်နေပါတယ်။ 

လက်ကိုင်ပဝါကိုသုံးပြီးတော့ ဆံပင်တွေရှေ့မကျလာအောင် ဖန်တီးထားတဲ့ဒီလိုပုံကလည်း ကမ်းခြေဆံပင်ဒီဇိုင်းလို့တောင်ပြောနိုင်တဲ့ပုံစံတစ်မျိုးပါ။ 

ပဝါကိုဆံပင်တွေထိန်းဖို့မဟုတ်ဘဲ မေးစေ့မှာတင်ချည်တဲ့ဒီလိုဒီဇိုင်းကလည်း ဆံပင်တွေကိုရှင်းစေသလို တစ်ပြိုင်တည်းမှာ ကမ်းခြေအငွေ့အသက်တွေပြည့်ဝနေတဲ့ဒီဇိုင်းဖြစ်ပါတယ်။ 

ဆံပင်နှစ်ဖက်ခွဲကျစ်ခြင်းကလည်း ရေပန်းစားတဲ့စတိုင်တစ်ခုဖြစ်ပါတယ်။ အများစုဟာ ဒီလိုဆံပင်ပုံစံကို ရိုးရှင်းပြီးတော့လုပ်ရလွယ်ကူတာကြောင့် အပန်းဖြေခရီးထွက်တဲ့အချိန်တွေမှာ လုပ်ကြလေ့ရှိတာဖြစ်ပါတယ်။ ဒါ့အပြင် ဒီလိုဆံပင်ပုံစံဟာ ကမ်းခြေ Outfit တော်တော်များများနှင့်လည်းလိုက်ဖက်ပါတယ်။ 

ဆံပင်တွေကိုအပြောင်သိမ်းပြီး ကလစ်နှင့်ညှပ်ထားတာ ဒါမှမဟုတ် စည်းပြီးထုံးထားတာမျိုးကလည်း အလုပ်များကြတဲ့စတိုင်တစ်မျိုးဖြစ်ပါတယ်။ ဆံပင်ကိုတကူးတကမပြင်ချင်တဲ့သူတွေလုပ်တတ်တဲ့ နည်းလမ်းဖြစ်ပါတယ်။