(၁) ဒါကဘာအဓိပ္ပါယ်မှမရှိပါဘူး
ဖောက်ပြန်သူတွေဟာ သူတို့မကောင်းမှုတွေကို ပါတနာဖြစ်သူကသိသွားတာနှင့် ဒီဖောက်ပြန်မှုဟာဘာအဓိပ္ပါယ်မှမရှိတဲ့ကိစ္စဟာဖြစ်ကြောင်း အရင် ဆင်ခြေပေးတတ်ကြပါတယ်။
(၂) ငါ့ကိုမယုံဘူးလား
သူဖောက်ပြန်နေကြောင်း သက်သေအထောက်အထားမပြသေးဘူးဆိုရင် ဒီစကားတစ်ခွန်းနှင့်ပဲ နစ်နာသူကိုတောင်မှ ကျုးလွန်သူဖြစ်သွားအောင်လုပ်လေ့ရှိကြပါတယ်။
(၃) ငါအဲ့လိုလုပ်ဖြစ်သွားတာ နင့်ကြောင့်ပဲ
ဒီလိုလူတွေဟာ သူတို့ဖောက်ပြန်တဲ့အပြစ်ကို တစ်ဖက်လူရဲ့အပြစ်ဖြစ်သွားအောင်ဖန်တီးကြလေ့ရှိပါတယ်။ တစ်ဖက်လူကဂရုမစိုက်လို့ဖြစ်ရတယ်ဆိုတဲ့ ပုံစံမျိုးပြောတတ်ကြပါတယ်။
(၄) အထီးကျန်နေလို့ဖြစ်သွားတာပါ
အနေဝေးတဲ့ဆက်ဆံရေးတွေမှာ ပြောကြလေ့ရှိတဲ့စကားဖြစ်ပါတယ်။ အထီးကျန်လွန်းတာကြောင့်မရည်ရွယ်ဘဲ ဖြစ်သွားတာပါ ဆိုပြီးပြောတတ်ကြလေ့ရှိပါတယ်။
(၅) ဆွဲဆောင်ခံလိုက်ရတာပါ
ဒီစကားစုဟာလည်း အထူးသဖြင့်အမျိုးသားတွေပြောကြလေ့ရှိပါတယ်။ တစ်ဖက်မိန်းကလေးရဲ့အတင်းအကြပ်ဆွဲဆောင်မှုကြောင့် ဖြစ်သွားရတာပါဆိုပြီး သူတို့အပြစ်လွတ်အောင်ပြောကြလေ့ရှိပါတယ်။
(၆) ဘယ်တော့မှ ထပ်မဖြစ်တော့ပါဘူး
တစ်ခါဖောက်ပြန်ဖူးတဲ့သူတွေဟာ နောက်တစ်ကြိမ်ဖောက်ပြန်ဖို့မခက်ခဲကြပါဘူး။ ဒါကြောင့် ဖောက်ပြန်ဖူးတဲ့သူတွေအနေနှင့် နောက်ထပ်မလုပ်တော့ပါဘူးဆိုတဲ့စကားကို ခဏခဏပြောနေခြင်းဟာ ယုံကြည်ဖို့ခက်ခဲတဲ့စကားဖြစ်ပါတယ်။
Bong I.T