လုပ်ငန်းခွင်အတွင်းမှာသာမက တစ်ခြားနေရာတွေမှာပါ ဝတ်ဆင်နိုင်တဲ့ဒီဝတ်စုံဟာ မိန်းကလေးတော်တော်များများနှင့်လိုက်ဖက်ပါတယ်။ မီနီစကပ်ဖြစ်ပေမဲ့ ဘလေဇာကုတ်အကြီးနှင့်တွဲဝတ်လိုက်တာကြောင့် အမြင်ရိုင်းပုံမပေါ်ဘဲ လန်းဆန်းတဲ့အသွင်အပြင်ကိုဖြစ်စေပါတယ်။
တင်းနစ်စကပ်လို့ ဆိုကြတဲ့ စကပ်အကားလေးတွေကလည်း ကလေးဆန်ပုံပေါ်စေပေမဲ့ သေချာတွဲဖက်ဝတ်ဆင်လိုက်ရင် အခုလိုမျိုး တည်ကြည်တဲ့ပုံစံလေးဖြစ်လာစေနိုင်ပါတယ်။ လူလတ်ပိုင်းအမျိုးသမီးတွေဝတ်ရင်တောင် အဆင်ပြေစေမယ့်ဒီဇိုင်းမျိုးဖြစ်ပါတယ်။
ဘလေဇာကုတ်အပွကြီးတွေမဟုတ်ဘဲ ပုံစံမျိုးကွက်တိချုပ်ထားတဲ့ ကုတ်တွေကလည်းအခုနောက်ပိုင်းမှာ ပိုခေတ်စားလာပြီးတော့ လူငယ်တွေပိုသဘောကျလာတဲ့ဝတ်စုံတွေဖြစ်ပါတယ်။ စကပ်နှင့်ဘောင်းဘီကိုတွဲဖက်ပြီးပေါင်းချုပ်ထားတဲ့စကပ်တွေကလည်း လုံခြုံမှုရှိသလို လှလည်းလှတာကြောင့်လူကြိုက်များတဲ့ဒီဇိုင်းဖြစ်ပါတယ်။
ဘလေဇာကုတ်တွေကို ဘောင်းဘီတိုနှင့်တွဲဖက်ဝတ်ဆင်တာကလည်း ပုံမှန်အားဖြင့် လူငယ်ပိုင်းတွေပဲဝတ်ဆင်ကြလေ့ရှိပါတယ်။ ဒါပေမဲ့ ဒီပုံစံကို လုပ်ငန်းခွင်အတွင်းပေါ့ပေါ့ပါးပါးဝတ်ချင်တဲ့အမျိုးသမီးတွေလည်း ဝတ်ဆင်ကြလေ့ရှိပါတယ်။
Bong I.T