ဆိုးရွားတဲ့အတွေ့အကြုံ အဖြစ်အပျက်တွေကြောင့် စီတ်ပိုင်းဆိုင်ရာခံစားနေရတာတွေကို  Trauma ဒါမှမဟုတ် စိတ်ဒဏ်ရာလို့ခေါ်ကြပါတယ်။ ဒီလိုစိတ်ဒဏ်ရာတွေဟာ ငယ်ဘဝအဖြစ်အပျက်တွေ၊ အကြမ်းဖက်ခံရမှုတွေနှင့်အခြားအကြောင်းအမျိူးမျိူးကြောင့်ဖြစ်ပေါ်လာနိုင်ပါတယ်။ အထူးသဖြင့် ငယ်ဘဝတုန်းက အိမ်တွင်းအကြမ်းဖက်မှုနှင့် အချစ်မခံရမှုတွေကိုရင်ဆိုင်ရတဲ့ကလေးတွေဟာ ထရော်မာတွေများတဲ့ကလေးတွေဖြစ်လာလေ့ရှိပါတယ်။ 

အများစုကတော့ ဒီလိုစိတ်ဒဏ်ရာကို အသက်အရွယ်အလိုက်ကုစားသွားနိုင်ပေမဲ့  တစ်ချိူ့ကတော့ မဖြေရှင်းနိုင်တော့ဘဲ  PTSD ( Post-Traumatic Stress Disorder) လို့ခေါ်တဲ့စိတ်ဒဏ်ရာအလွန်စိတ်ကစဥ့်ကလျားဖြစ်တာအထိဖြစ်သွားနိုင်ပါတယ်။ ထရော်မာတွေဆိုတာ အလွယ်တကူပျောက်ကင်းနိုင်တဲ့အရာမဟုတ်သလို တစ်ယောက်နှင့်တစ်ယောက် တူညီတဲ့အဖြစ်အပျက်ကြုံခဲ့ရရင်တောင် တူညီတဲ့တုံ့ပြန်မှုရှိဖို့ခက်ခဲပါတယ်။ 

တစ်ချိူ့ထရော်မာတွေဟာ ကိုယ်ကိုယ်တိုင်တောင်မသိဘဲ တိုက်ဆိုင်မှုတွေကြုံလာမှထွက်ပေါ်လာတာမျိူးရှိပါတယ်။ စိတ်ဒဏ်ရာအတိမ်အနက်အလိုက် ကျွမ်းကျင်ဆရာဝန်တွေနှင့်တိုင်ပင်ဆွေးနွေးပြီး ကုသမှုတွေခံယူသင့်တဲ့ရောဂါဖြစ်ပါတယ်။