ကိုယ်လုပ်နေတဲ့ အလုပ်တစ်ခုကနေပြီးနှုတ်ထွက်တော့မယ်ဆိုရင် အလုပ်အပေါ်တာဝန်ယူမှုရှိဖို့လိုအပ်ပါတယ်။ အလုပ်ထွက်စာကို အချိန်တစ်ခုပေးပြီးတင်ထားတာ လုပ်ဖော်ကိုင်ဖက်တွေအဆင်ပြေအောင် လုပ်လက်စအလုပ်တွေဖြတ်ခဲ့ပေးတာမျိုးဟာ အခြေခံယဥ်ကျေးမှုဖြစ်ပါတယ်။ အလုပ်ထွက်ဖို့မသေချာသေးတဲ့အချိန်မှာ အလုပ်ထွက်ကြောင်းတွေပြောထားတာမလုပ်ဘဲ တစ်ကယ်ထွက်ပြီဆိုမှပြောသင့်ပါတယ်။

မသေချာသေးဘဲ ကြိုပြောထားခြင်းဟာ  အလုပ်ခွင်ကိုထိခိုက်မှုဖြစ်လာစေသလို မကောင်းတဲ့အဖြစ်အပျက်တွေကိုဖြစ်လာစေနိုင်ပါတယ်။ ဒါ့အပြင် အလုပ်ထွက်တော့မယ်ဆိုတဲ့စိတ်နှင့် လုပ်ဖော်ကိုင်ဖက်တွေရဲ့မကောင်းကြောင်းနှင့်အတင်းတွေကိုပြောတာမျိုးကိုလည်းရှောင်ကြဥ်သင့်ပါတယ်။ ဒီလိုတွေပြောခြင်းဟာ လုပ်ငန်းခွင်အတွင်းဆက်ဆံရေးကိုထိခိုက်လာစေပြီးတော့ မကောင်းတဲ့ရလာဒ်တွေကိုပဲဖြစ်လာစေပါလိမ့်မယ်။

ဒါ့အပြင် အလုပ်ထွက်တော့မယ်လို့ဆုံးဖြတ်ချက်ချပြီးသွားရင် ကိုယ့်စိတ်ကိုသေချာဆုံးဖြတ်ဖို့လိုအပ်ပါတယ်။ သေချာအောင်စိတ်ဆုံးဖြတ်ပြီးရင် သက်ဆိုင်ရာလူကြီးကိုပြောပြီးတော့ သတ်မှတ်စည်းကမ်းနှင့်အညီအလုပ်ထွက်သင့်ပါတယ်။