ပြောင်းဖူးလို့ပြောတာနဲ့ ဘယ်လိုလုပ်စားကြတာကို မျက်စိထဲပြေးမြင်ကြလဲ..? ပြောင်းဖူးကို ပြုတ် စားကြ တယ်၊ လက်ဖက်နဲ့ သုပ်စားကြတယ်၊ ချက်စားကြတယ် မဟုတ်လား၊ ဒီတစ်ခါတော့ ပြောင်းဖူးရဲ့ အချို အရသာလေးလဲမပျက်ပဲ ကြွပ်ကြွပ်ရွရွ လေးကြော်ပြီး စပ်စပ်သုပ်စားမယ်နော်
ပါဝင်ပစ္စည်းတွေကတော့ -
ပြောင်းဖူး
ပြောင်းကော်မှုန့်/အကြော်မှုန့်/ကြက်သွန်နီ
နံနံပင်/ငရုပ်သီးခွဲကြမ်းမှုန့် တို့လိုပါတယ်
ပြောင်းဖူးကို အစေ့ထွင်ကာ ပြုတ်ထာပါ ၊ ကြက်သွန်နီကို အခွံနွာကာ ပါးပါးလွှာထားပြီး နံနံပင်ကို ရေစင်အောင်ဆေးကာ ကတ်ကြေးဖြင့်နုတ်နုတ်ညှပ်ထားပါ
ပြုတ်ထားသောပြောင်းဖူးစေ့တို့ကို ပြောင်းကော်မှုန့် ၊ အကြော်မှုန့် အနည်းငယ်၊ ဆား၊ အရသာမှုန့်၊ ပဲငံပြာရည် ၊ငရုပ်ကောင်းအနည်းငယ်ထည့်ကာ နှံ့အောင်နယ်ပါ။ ဒယ်အိုးတွင် ဆီများများထည့်ကာ အပူပေးပြီး ဆီပူလာပါက နယ်ထားသော ပြောင်းဖူးစေ့တို့ ထည့်ကာ ရဲပြီး ရွှေရောင်သန်းလာအောင်ကြော်ပါ။ ပြောင်းဖူးစေ့ တို့ ရဲကာရွှေရောင်သန်းလာပါက ဆယ်ယူကာဆီစစ်ထားပြီး အအေးခံထားကာ ပါးပါးလှီးထာသော ကြက်သွန်နီ၊ နံနံပင်၊မဆလာ၊ အရသာမှုန့် ၊ငရုပ်သီးကြော်ထောင်း တို့ဖြင့်ရောနယ်ကာ အချဉ်ကြိုက်ပါက သံပုရာရည်ဆမ်းပြီး သုံးဆောင်နိုင်ပါပြီ
Bong I.T