(၁) Ex ဖြစ်သူနှင့် ကိုယ့်ကိုယ်ကိုယ်မနှိုင်းယှဥ်မိဖို့လိုပါတယ်။ ပုံပန်းသွင်ပြင်အပြင် တစ်ခြားအလုပ်အကိုင်လိုမျိုးကိုယ်ရေးကိုယ်တာ ကိစ္စရပ်တွေမှာပါ လိုက်ပြီးနှိုင်းယှဥ်နေတာမျိုးမလုပ်သင့်ပါဘူး။
(၂) ဆိုရှယ်မီဒီယာဟာ ဆက်ဆံရေးပြဿနာတွေကိုအများဆုံးဖြစ်စေတတ်တဲ့အတွက် Ex နှင့်ပတ်သက်တဲ့ဆိုရှယ်မီဒီယာတွေကို ကြိုတင် Block ထားသင့်ပါတယ်။ ဒီလိုလုပ်ခြင်းက သူ့ကို မေ့ပစ်ဖို့ပိုလွယ်ကူပြီးတော့ ဆက်ဆံရေးကိုပိုပြီးကောင်းမွန်လာစေမှာပါ။
(၃) ယုံကြည်ရတဲ့မိတ်ဆွေတစ်ယောက်ကို မနာလိုဖြစ်နေကြောင်းခံစားချက်တွေပြောပြပြီး အကြံဉာဏ်တောင်းခံပါ။ ဘာကြောင့်မနာလိုဖြစ်မိတယ်ဆိုတဲ့ အချက်တွေကိုပါပြောပြရင်စိတ်ထဲပေါ့ပါးသွားပြီး ဒီပြဿနာကိုဖြေရှင်းနိုင်ဖို့ပိုပြီးလွယ်ကူသွားမှာပါ။
(၄) ဒီလိုမနာလိုတဲ့ခံစားချက်ဖြစ်လာတာဟာ ကိုယ့်ကိုယ်ကိုယ်ယုံကြည်မှုမရှိတာကြောင့်လည်း ဖြစ်နိုင်တဲ့အတွက် ယုံကြည်မှုတိုးလာအောင် အားသာချက်တွေကိုချရေးတဲ့အလုပ်မျိုးလုပ်သင့်ပါတယ်။ အတိတ်က အတိတ်ပဲဆိုတဲ့ခံယူချက်ကိုစွဲထင်သွားအောင်လုပ်နိုင်ရပါမယ်။
(၅) တစ်ကယ်လို့ မနာလိုဝန်တိုဖြစ်နေခြင်းက Ex ဖြစ်သူကြောင့်မဟုတ်ဘဲ ပါတနာဖြစ်သူကြောင့်ဆိုရင် သူ့ကိုပွင့်ပွင့်လင်းလင်းပြောပြလိုက်ပါ။ ပါတနာဖြစ်သူအနေနှင့် မရည်ရွယ်ဘဲလုပ်မိလိုက်တဲ့ဖြစ်ရပ်လည်းဖြစ်နိုင်တာကြောင့် နှစ်ယောက်အတူပူးပေါင်းပြီး ဖြေရှင်းလိုက်ရင် အလွယ်တကူဖြေရှင်းသွားနိုင်မှာဖြစ်ပါတယ်။
Bong I.T