မိသားစုဆိုတာ မတူညီတဲ့လူတွေပေါင်းစည်းထားတာဖြစ်တာကြောင့် ပြဿနာတွေ အမြင်မတူမှုတွေအများကြီးရှိနိုင်ပါတယ်။ ပြဿနာတစ်ခုကိုဖြေရှင်းဖို့ဆိုရင် အချိန်ကောင်းကိုစောင့်ဆိုင်းဖို့လိုပါတယ်။ ဒေါသထွက်နေချိန်တွေမှာ ပြဿနာတွေကိုဖြေရှင်းတာက မကောင်းတဲ့ရလာဒ်တွေကိုပဲဖြစ်လာစေနိုင်ပါတယ်။ ဒါကြောင့် စိတ်အေးလက်အေးရှိနေချိန်မှာပဲ မိသားစုပြဿနာတွေကိုဖြေရှင်းဖို့ကြိုးစားသင့်ပါတယ်။

ပြဿနာတိုင်းမှာ အကြောင်းရင်းခံဆိုတာရှိတာကြောင့် တစ်ယောက်ကိုတစ်ယောက်အပြစ်တင်နေတာထက် ပြဿနာအရင်းအမြစ်ကိုရှာဖွေဖို့ကြိုးစားပါ။ မိသားစုဝင်တွေကြောင့် ဖြစ်ပေါ်လာရတဲ့ပြဿနာဆိုရင် အချင်းချင်းတိုင်ပင်ပြီးတော့ ဖြေရှင်းနိုင်မယ့်နည်းလမ်းကိုရှာဖွေပါ။

အမှားလုပ်မိသူကိုဖိအားပေးတာမျိုးမလုပ်ဘဲ သူ့ဆီကအကြောင်းပြချက်နှင့်ဖြေရှင်းချက်တွေကိုနားထောင်ပေးဖို့ကြိုးစားပါ။ ဒီလိုလုပ်ခြင်းဟာ မိသားစုအတွက်ပြဿနာကြုံလာရရင် ထိတ်လန့်စရာမဟုတ်ဘဲ စည်းစည်းလုံးလုံးဖြေရှင်းနိုင်ကြောင်း လူတိုင်းကိုသိသွားစေနိုင်တဲ့နည်းလမ်းဖြစ်ပါတယ်။