မေခ၊ မလိခဆုံတဲ့ နယ်မြေဟာ ကချင်တိုင်းရင်းသားတို့ရဲ့ ဇာတိမြေဖြစ်ပါတယ်။ ကချင်တို့ရဲ့ မနောအကဟာ နတ်ပူဇော်ပွဲများနဲ့ ဆက်စပ်ပြီး ဖြစ်ပေါ်လာတယ်လို့ ဆိုပါတယ်။ ရေ၊ မြေ၊ တောတောင်၊ ကမ္ဘာမြေကြီး၊ လေ၊ နေ၊ အာကာသ၊ မိုး အစရှိသဖြင့် နတ်အမျိုးမျိုးကို ကိုးကွယ်ခဲ့ကြတဲ့ အစဉ်အလာရှိတဲ့ လူမျိုးဖြစ်ပါတယ်။
အဆင့်အတန်းနဲ့ အမျိုးအနွယ်ကိုလိုက်ပြီး နတ်ကိုးကွယ်မှုကလဲ ကွဲပြားပါသေးတယ်။ အာကာသကို ပိုင်စိုးတဲ့ ပဒိုင်နတ်မင်းကြီးကို ဒူးဝါးကြီးများကသာ ပူဇော်ခွင့်ရတာ ဖြစ်ပြီး ယနေ့ထိတိုင် မနောပွဲကို ဒူးဝါးကြီးများက ဉီးဆောင်ပြုလုပ်ကြတာ ဖြစ်ပါတယ်။ မနောပွဲများကို ဆောင်းနှင့်နွေရာသီမှာ (8) ရက်တာ ကျင်းပကြပါတယ်။
ယခင်နတ်ကိုးကွယ်မှုကို အဓိကထားတဲ့ မနောပွဲဟာ ဒီကနေ့မှာတော့ အောင်ပွဲခံ မနောပွဲအဖြစ်ကို ပြောင်းလဲလာပြီ ဖြစ်ပါတယ်။ ထိုပွဲကျင်းပဖို့ အတွက် ငွေကုန်ကြေးကျများစွာရှိတာကြောင့် တစ်နှစ်တစ်ကြိမ်ကျင်းပလေ့ရှိပြီး လပေါင်းများစွာ ကြိုတင်ပြင်ဆင်ရပါတယ်။ အကြောင်းကိစ္စ တစ်စုံတစ်ရာရှိရင်လဲ မနောပွဲကို ကျင်းပကြတာမျိုးလဲရှိပါတယ်။
မနောကွင်းထဲမှာ နတ်ကွန်းရှိပြီး ပူဇော်ပသမှုများပြုလုပ်ကာ စိုက်ထူထားတဲ့ မနောတိုင်များကို ကျား၊ မ အားလုံး ဝိုင်းပတ်ကာ မနောအကကို ပျော်ပျော်ရွှင်ရွှင် ကခုန်ကြပါတယ်။ မနောအက မတိမ်ကောဖို့အတွက် လူငယ်သီးသန့် မနောပွဲတွေကိုလဲ ခွင့်ပြုပေးထားကြတာကလဲ ကြည်နူးစရာပါ။ ကချင်လူမျိုးတွေသာမက အခြားသော တိုင်းရင်းသားများနှင့် နိုင်ငံခြားသားများကပါ အဆိုပါ မနောပွဲကို နှစ်စဉ်ဝင်ရောက် ဆင်နွှဲကြတာပဲ ဖြစ်ပါတယ်။
Bong I.T