ဆက်ဆံရေးတစ်ခုမှာအကြောင်းအရာတစ်ခုကြောင့် အမှားလုပ်မိသွားရင်တောင်းပန်ကြောင်းသိသာအောင်ပြသပေးဖို့လိုအပ်ပါတယ်။ ဒီလိုပြသပေးမှသာ ပြဿနာကိုတစ်ခါတည်းနဲ့ဖြေရှင်းပြီးသားဖြစ်သွားမှာပါ။
(၁) နောင်တရကြောင်းအမူအယာနှင့်ဖော်ပြပါ။ တစ်ချို့လူတွေဟာ တောင်းပန်နေကြောင်းပြောနေပေမဲ့ အသွင်အပြင်ကဂရုမစိုက်သလိုနေတတ်ပါတယ်။ ဒီလိုနေခြင်းဟာ စိတ်ရင်းနှင့်တောင်းပန်တာမဟုတ်ဘဲ အတုအယောင်တောင်းပန်မှုလို့ပဲ ထင်မြင်နေကြမှာပါ။
![https://s9.kh1.co/__image/w=564,h=296,q=100/b2/b2b5fde8d65e9a323698bf0f9ce806b54eda3876.jpg](https://s9.kh1.co/__image/w=564,h=296,q=100/b2/b2b5fde8d65e9a323698bf0f9ce806b54eda3876.jpg)
(၂) တာဝန်ယူမှုရှိပါ။ တောင်းပန်လိုက်ရုံနှင့်မပြီးဘဲ ကိုယ်လုပ်ခဲ့တဲ့အပြုအမူ ဒါမှမဟုတ် အမှားအတွက်တာဝန်ယူတတ်ခြင်းကသာ တစ်ကယ့်တောင်းပန်မှုဖြစ်မှာပါ။ တောင်းပန်စကားပြောနေပေမဲ့ လက်တွေ့တာဝန်ယူမှုမရှိဘူးဆိုရင် အတုအယောင်တောင်းပန်မှုပဲဖြစ်မှာပါ။
![https://s9.kh1.co/__image/w=564,h=376,q=100/1b/1b1fa38961d13bfcc674da7d8218d240223a2848.jpg](https://s9.kh1.co/__image/w=564,h=376,q=100/1b/1b1fa38961d13bfcc674da7d8218d240223a2848.jpg)
(၃) အခြေအနေကိုပြန်ထိန်းသိမ်းပါ။ ကိုယ့်အမှားကြောင့်ဖြစ်သွားတဲ့အခြေအနေတွေကို နဂိုအနေအထားလောက်ပြန်ဖြစ်သွားအောင် ကြိုးစားပြီးပြင်ဆင်ပါ။ အမှားကိုဝန်ခံပြီးတောင်းပန်တဲ့နောက်ဆက်တွဲမှာ ကိုယ့်အမှားကြောင့်ပျက်စီးသွားတဲ့အရာတွေကိုလည်း တတ်နိုင်သလောက်ပြန်ထိန်းသိမ်းပေးဖို့လိုအပ်ပါတယ်။
![https://s9.kh1.co/__image/w=564,h=305,q=100/37/37a2ae3edeb05a5ce195cb5e4297f1a72519f9a3.jpg](https://s9.kh1.co/__image/w=564,h=305,q=100/37/37a2ae3edeb05a5ce195cb5e4297f1a72519f9a3.jpg)
(၄) ခွင့်လွှတ်ပေးဖို့ပြောပါ။ တောင်းပန်ရုံနှင့်မပြီးဘဲ အမှားအတွက်ခွင့်လွှတ်မှုတောင်းခံဖို့ကိုပါလုပ်ဆောင်သင့်ပါတယ်။ အမှားလုပ်မိတဲ့သူဆီကနေ ခွင့်လွှတ်မှုတောင်းခံပြီးနားလည်ပေးတဲ့အထိ တောင်းပန်ကြောင်းပြသရမှာဖြစ်ပါတယ်။
![https://s9.kh1.co/__image/w=564,h=376,q=100/7f/7fd910ca3676dc3f64e175c5d674c401d5550d8c.jpg](https://s9.kh1.co/__image/w=564,h=376,q=100/7f/7fd910ca3676dc3f64e175c5d674c401d5550d8c.jpg)