မျက်နှာပေါ်ကဝက်ခြံပြဿနာဟာ လူတိုင်းတွေ့ကြုံရတဲ့ စိတ်ညစ်စရာအသားအရေပြဿနာတစ်ခုပါ။ အများစုဟာဝက်ခြံယောင်ယမ်းတဲ့ပြဿနာကိုရေခဲကပ်ပြီးတော့ ဖြေရှင်းကြလေ့ရှိပါတယ်။ ဒီလိုဖြေရှင်းတဲ့နေရာမှာ ရေခဲကိုတိုက်ရိုက်ကပ်တာထက် ရေခဲထုပ်လိုမျိုးတစ်ခုခုမှာထည့်ပြီးတော့မှ ကပ်တာကပိုထိရောက်ပါတယ်။
ဒါ့အပြင် ရေခဲကပ်တာက ယောင်ယမ်းတာကိုသက်သာစေတယ်ဆိုပေမဲ့ မျက်နှာပေါ်မှာအကြာကြီးထားထားရင် အသားအရေကိုခြောက်သွေ့စေနိုင်ပါတယ်။ ဒါ့ကြောင့် မျက်နှာပေါ်တိုက်ရိုက်အကြာကြီးထားထားတာထက် ခဏတစ်ဖြုတ်ကပ်တာမျိုးကပိုအဆင်ပြေပါတယ်။ ရေခဲကိုမျက်နှာပေါ်မှာ ကြမ်းကြမ်းတမ်းတမ်းပွတ်ဆွဲတာမျိုးမလုပ်ဘဲ ဖြေးဖြေးချင်း ဂရုတစိုက်ပွတ်တာမျိုးလုပ်ရပါမယ်။
ရေခဲကပ်တဲ့အနားတဝိုက်မှာ အသားအရေနီရဲတာ ယားယံတာမျိုးဖြစ်လာရင် ရေခဲကပ်တာကိုချက်ချင်းရပ်လိုက်သင့်ပါတယ်။ ရေခဲကပ်ပြီးနောက် ချက်ချင်းကြီးရေနွေးတွေနှင့် မျက်နှာသစ်တာမျိုးကလည်း အသားအရေကိုဆိုးဆိုးဝါးဝါးပျက်စီးစေနိုင်ပါတယ်။
Bong I.T