စုံတွဲဝတ်စုံအဖြစ် အထက်အောင်ပြောင်းပြန်လေးဝတ်တာကလည်း ကြည့်ကောင်းပြီးလိုက်ဖက်မှုရှိတဲ့ပုံစံပါ။ အထူးတလည်အားမစိုက်ရဘဲ ကာပယ်လ်ဂိုးလို့ရနိုင်တဲ့ အိုင်ဒီယာတစ်ခုဖြစ်ပါတယ်။

မိန်းကလေးဝတ်ဆင်ထားတဲ့ ဂါဝန်အရောင်နှင့်ဆင်တူတဲ့ ရှပ်အင်္ကျီကို ယောကျာ်းလေးကဝတ်ဆင်တာကလည်း ချစ်စရာကောင်းတဲ့ စုံတွဲဝတ်စုံလေးပါ။

တကူးတက အရောင်တူတွေဝတ်ဆင်တာမဟုတ်ဘဲ အရောင်အဖျော့လေးတွေကို အဆင်ပြေရာတွဲဖက်ဝတ်တာကလည်း အမြင်ဆန်းပြီးချစ်စရာကောင်းပါတယ်။

လုံးဝဆင်တူကြီးဝတ်ဆင်တာမဟုတ်ဘဲ အပေါ်ဝတ်ရှပ်အင်္ကျီကိုပဲ ဆင်တူဝတ်လိုက်တာကလည်း ရိုးရှင်းပြီးတော့ အဆင်ပြေတဲ့စုံတွဲဝတ်စုံအိုင်ဒီယာတစ်ခုပါ။

အပေါ်အောက်အရောင်တူတွေဝတ်တာကလည်း စုံတွဲတွေအကြားနာမည်ကြီးတဲ့ စုံတွဲဝတ်စုံဒီဇိုင်းဖြစ်ပါတယ်။

အရောင်တစ်ရောင်ကိုပဲ ဦးတည်ထားပြီးအရောင်ရင့်နှင့်အရောင်ဖျော့ကိုတွဲဖက်ပြီးဝတ်ဆင်တာကလည်းပဲ စုံတွဲဝတ်စုံလို့မထင်ရပေမဲ့ အတူတူယှဥ်သွားလိုက်ရင် လှနေတဲ့ပုံစံဖြစ်ပါတယ်။

ယောကျာ်းလေးရဲ့တီရှပ်အရောင်ကိုလိုက်ပြီး မိန်းကလေးရဲ့ဂါဝန်ကိုတွဲဖက်ဝတ်ဆင်တာကလည်းပဲ သာမာန်ဝတ်စုံနှင့်တူနေပေမဲ့ ဆင်တူဝတ်စုံအဖြစ်လည်းဝတ်ဆင်နိုင်တဲ့အိုင်ဒီယာဖြစ်ပါတယ်။

ဒါ့အပြင် မိန်းကလေးဖက်ကနေပြီးတော့ ယောကျာ်းလေးရဲ့ရှပ်အရောင်နှင့်တူတဲ့ အသုံးအဆောင်တစ်ခုခုကိုဝတ်ဆင်တာကလည်းပဲ လိုက်ဖက်မှုရှိပြီးတော့ ချစ်စရာကောင်းတဲ့စုံတွဲဖက်ရှင်လေးဖြစ်ပါတယ်။