ငါးဖယ်ဟာဝယ်ရလွယ်ကူပြီးဈေးလဲသက်သာတဲ့ အတွက်လူတော်တော်များများဝယ်စားလေ့ရှိပါတယ် တစ်ခါတစ်ခါတော့လဲ ငါးဖယ်ချက်စားရတာရိုးလာတဲ့အခါတွေရှိပါတယ် အဲ့ဒီလိုအခါမျိုးမှာ ကိုယ်တိုင်လုပ်စား ဖြစ်တဲ့ ငါးဖယ်ချဉ်စပ်သုပ်နည်းလေးပြောပြပေးမယ်။ ဈေးသက်သာပြီးအရသာရှိလို့အိမ်မှာ အတူသုပ်စားကြရ အောင်နော်။
ပါဝင်ပစ္စည်းတွေကတော့ -
ငါးဖယ်ကြော်/ကြက်သွန်ဖြူဆီချက်/ပါးပါးလှီးထားသော ကြက်သွန်နီ
ကတ်ကြေးဖြင့်နုတ်နုတ်ကိုက်ထားသော ခရမ်းချဉ်သီး /မြေပဲထောင်း/ငရုပ်သီး/သံပုရာသီး
ခြစ်ဖြင့်ပါးပါးခြစ်ထားသော ဂေါ်ဖီ အနည်းငယ်/နံနံပင်တို့ပဲဖြစ်ပါတယ်။
ကြော်ထားသောငါးဖယ် ကို ကတ်ကြေးဖြင့်နုတ်နုတ်ဖြစ်စေ၊ ခပ်ကြီးကြီးဖြစ်စေ ကိုက်ထားပါ။ ပြီးလျှင် တော့ ခရမ်းချဉ်သီး ၊ နံနံပင် နဲ့ ငရုပ်သီးတို့ကို ရေစင်အောင်ဆေးကာ ခပ်နုတ်နုတ်ကိုက်ကာ ကြက်သွန်နီကို အခွံခွာပြီးပါးပါးလှီး ထားပါ။ ပြီးနောက် ကိုက်ထားသော ငါးဖယ်၊ခရမ်းချင်သီး၊ ကြက်သွန်နီ ၊ ဂေါ်ဖီ၊ ငရုပ်သီး နဲ့ မြေပဲထောင်းတို့အားလုံးကို ဇလုံတစ်လုံးတွင်ထည့်ပါ။ ပြီးနောက် ကြက်သွန်ဖြူဆီချက်၊ ဆား၊ ဟင်းခတ်မှုန့်၊ ပဲငံပြာရည်တို့ထည့်ကာ နှံ့အောင်နယ်ပေးပါ။ ပြီးနောက် အရသာအနေတော်ဖြစ်ပါက ပန်းကန်တွင် ထည့်ကာ သံပုရာရည်ဆမ်း၍ နံနံပင်ဖြူးပြီးပါက အရသာရှိတဲ့ ငါးဖယ်ချဉ်စပ်သုပ်လေးရပါပြီ။
Bong I.T