(၁) ဒေစီပန်းပုံတက်တူး

အရွယ်အစားအနေတော်ဖြစ်တဲ့ ဒေစီပန်းပုံတက်တူးလေးတွေဟာအချစ်နှင့် မိခင်မေတ္တာကိုဖော်ညွှန်းတဲ့ပန်းလေးတွေဖြစ်ပါတယ်။

(၂) ကြာပန်း

သန့်စင်ခြင်းနှင့် ငြိမ်းချမ်းခြင်းအဓိပ္ပါယ်ကိုဆောင်တဲ့ ကြာပန်းပုံတက်တူးလေးတွေကလည်းပဲ မိန်းကလေးတွေအတွက် ရွေးချယ်သင့်တဲ့တက်တူးတွေမှာပါဝင်ပါတယ်။ ကိုယ့်ကိုယ့်ကိုယ် ဆုံးဖြတ်ချက်ပြတ်သားဖို့လိုအပ်နေချိန်တွေမှာ ကြာပန်းပုံတက်တူးကိုထိုးကြလေ့ရှိပါတယ်။

(၃) Lily

ကံကောင်းမှုနှင့် အချစ်ကိုပုံဖော်တဲ့ လီလီပန်းတက်တူးလေးတွေကလည်း အရွယ်အစားအနည်းငယ်ကြီးနေပေမဲ့ ရွေးချယ်စရာတွေထဲကတစ်ခုဖြစ်ပါတယ်။ လီလီပန်းတွေဟာ အမျိုးသမီးတွေမကဘဲ တက်တူးကိုသဘောကျတဲ့အမျိုးသားတွေကြားမှာပါ အကြိုက်တွေ့ရတဲ့ပန်းတစ်မျိုးဖြစ်ပါတယ်။

(၄) စံပယ်

သင်းပျံ့တဲ့အနံ့နှင့် လူတိုင်းနီးပါးကြိုက်တဲ့စံပယ်ပန်းလေးတွေဟာ ဖြူစင်ခြင်းနှင့် ကံကောင်းမှုတွေကိုကိုယ်စားပြုတဲ့ပန်းလေးတွေဖြစ်ပါတယ်။ ဒီပန်းပွင့်လေးတွေဟာ အမျိုးသမီးတွေအနေနှင့် ကိုယ့်ဘဝကို ပိုင်ဆိုင်ကြောင်းနှင့် အမြဲယုံကြည်မှုရှိရှိနေနိုင်ဖို့ ထိုးတတ်ကြတဲ့တက်တူးလေးတွေပါ။

(၅) အိုင်းရစ်ပန်း

အိုင်းရစ်ပန်းတွေဟာ သမိုင်းတစ်လျှောက်မှာနေရာအများကြီးယူခဲ့တဲ့ ဂန္တဝင်ပန်းတွေဖြစ်ကြတဲ့အပြင် အမျိုးသမီးတွေရဲ့ ခွန်အားတစ်ခုအနေနှင့်သတ်မှတ်ထားတဲ့ပန်းဖြစ်ပါတယ်။ ရှေးခေတ်က အိုင်းရစ်ပန်းကို ကောင်းကင်ဘုံနှင့် မြေကြီးအကြားဆက်သွယ်ပေးတဲ့ပန်းအဖြစ်ယူဆခဲ့ကြပါတယ်။

Photos from Pinterest