(၁) A Line Dress တွေကိုအဓိကထားပြီးဝတ်ပါ။ အပေါ်ပိုင်းကြပ်ပြီး‌ အောက်ဖက်မှာဝဲကားတဲ့ဝတ်စုံလေးတွေက ဝနေတာကိုမသိသာစေသလို ခန္တာကိုယ်ပုံစံကိုလည်းလှလှလေးဖြစ်အောင် ပုံဖော်ပေးနိုင်တာကြောင့် အဲ့လိုဂါဝန်တွေကိုရွေးချယ်ဝတ်ဆင်သင့်ပါတယ်။

(၂) အင်္ကျီအဝတ်အစားတွေဝယ်ရင် အဓိကအနေနှင့် လည်ပင်းပေါက်ကိုအဓိကထားကြည့်ပါ။ ကိုယ့်ရဲ့လည်ပင်းကိုသွယ်သွားစေတဲ့ U ပုံစံလည်ပင်းပေါက်၊ ပုခုံးပျောက်အင်္ကျီတွေနှင့် Sweetheart Neck ပုံစံကိုရွေးချယ်သင့်ပါတယ်။

(၃) ကိုယ်ကြပ်ဝတ်စုံတွေကို ဝတ်ဆင်ပါ။ ဝနေတာကြောင့် အပွတွေကိုပဲဝတ်မယ်ဆိုရင် ပိုဝနေသလိုပုံပေါ်စေမယ့်အပြင် ခန္တာကိုယ်ကောက်ကြောင်းတွေကိုပါ ဖုံးကွယ်လိုက်သလိုဖြစ်နိုင်ပါတယ်။ ဒါကြောင့် Fit ဖြစ်တဲ့ Fashion တွေကိုယုံကြည်မှုရှိရှိနှင့်ဝတ်ဆင်ပေးသင့်ပါတယ်။

(၄) အရောင်တွေကိုစုံအောင်ရောပြီးဝတ်တာမျိုးကိုရှောင်ကြဥ်ပါ။ အရောင်တွေကိုတစ်ရောင်ထဲဆက်ဝတ်ခြင်းက ပိန်ပါးတဲ့အသွင်အပြင်ကိုပေါ်စေပါတယ်။

(၅) လက်မောင်းပါတဲ့ အင်္ကျီလက်ရှည်တွေဝတ်ရင် ဗြောင်တွေထက် အပွင့်အကြီးကြီးနှင့်အစက်တွေပါတဲ့အင်္ကျီတွေကိုဝတ်ဆင်သင့်ပါတယ်။ ဒီလိုအပွင့်အကြီးကြီးတွေပါတာက လက်မောင်းကြီးတာနှင့် အဆီပိုတွေကိုထင်သာမြင်သာမဖြစ်အောင်လုပ်ပေးနိုင်တာကြောင့်ပါ။

(၆) မှန်ကန်တဲ့ ဘရာကိုရွေးချယ်ပါ။ ဝတဲ့လူတွေအနေနှင့် ကိုယ့်ရဲ့ရင်သားအနေအထားနှင့်ခန္တာကိုယ်ပုံစံကိုသေချာကြည့်ပြီးတော့ အဆင်ပြေတဲ့ဘရာကိုရွေးချယ်တတ်ဖို့လိုအပ်ပါတယ်။

(၇) အပေါ်ပိုင်းအတွက် Top တွေရွေးချယ်တဲ့အခါ Fit ဖြစ်ပြီးတော့ လည်ပင်းကိုသေချာဖော်ပြပေးနိုင်တဲ့ လည်ဟိုက်ပုံစံတွေကိုပဲရွေးချယ်ပါ။