ဝက်သားတုတ်ထိုးကို ဆိုင်မှာဝယ်မစားဘဲ အိမ်မှာ လုပ်စားချင်တဲ့ သူတွေအတွက် ဒီတစ်ခါမှာ တုတ်ထိုးလုပ်နည်းကို ပြောပြပေးသွားမှာ ဖြစ်ပါတယ်။ အိမ်မှာ ကိုယ်ရဲ့ မိသားစုကို လုပ်ကျွေးတာပဲဖြစ်ဖြစ် သူငယ်ချင်းတွေကို လုပ်ကျွေးတာပဲ ဖြစ်ဖြစ် ဒီနည်းအတိုင်း လုပ်ကြည့်ပါ။ လုပ်ရတာလဲ လွယ်ကူရိုးရှင်းပြီး ဆိုင်ထုတ်ထိုးနည်းတူ အရသာရှိတာကြောင့် အားလုံးကြိုက်ကြမယ်ထင်ပါတယ်။
လိုအပ်တဲ့ ပစ္စည်းတွေက .....
(၁) ဝက်သား (သို့) အူကလီစာ ကြိုက်နှစ်သက်ရာ
(၂) ကြက်သွန်ဖြူ
(၃) သကြား
(၄) ဂျင်း
(၅) ငရုတ်သီး ၊ ငရုတ်ဆီ ၊ ငရုတ်ကောင်း
(၆) ပဲငံပြာရည်
(၇) တရုတ်မဆလာ
(၈) နံနံပင်
လုပ်နည်းအဆင့်ဆင့် ...
(၁) အရင်ဆုံး ဝက်သား (သို့) ဝက်အူလီစာတွေကို ရေသန့်စင်အောင် ဆေးကြောပါ။ ပြီးလျှင် အားလုံးကို ကြက်သွန်ဖြူ ဂျင်း အရည်ညှစ်ချပါ။
(၂) ဆား၊ ငရုတ်ကောင်း၊ တရုတ်မဆလာ နှင့် ပဲငံပြာရည်အနောက် တို့နှင့် ၁ နာရီလောက်ဖြစ်ဖြစ် နှပ်ထားပါ။
(၃) စချက်တော့မယ်ဆိုရင် ဒယ်အိုးထဲ ဆီထည့်ပြီး ပူလာတဲ့အခါ သကြားထည့်ပါ။ သကြားပျော်ပြီး ရဲလာရင်တော့ ဝက်သားအားလုံးထည့်ပြီး ကြော်ပါ။ ရေခမ်းပြီးဝက်သား နီလာရင်တော့ ရေအနည်းငယ်ထည့်ပြီး မိနစ် ၃၀ ခန့် ပြုတ်ပေးပါ ။ ဝက်သားတွေ နူးအိလာပြီဆိုရင် ဆယ်ယူထားပါ။
အချဉ်ရည်အတွက်ကတော့ ငရုတ်ဆီ (သို့) မန်ကျည်းသီအမှဲ့ကို အနှစ်ထုတ်ပြီး နံနံပင်၊ ကြက်သွန်ဖြူ ၊ ငရုတ်သီး ၊ သကြား နှင့် ဆားအနည်းငယ်ထည့်ပြီး မိမိစိတ်ကြိုက်ဖျော်စပ်ပါ။ အချဉ်ရည်လည်း စပ်ပြီးပြီဆိုရင် စောစောက ဆယ်ယူထားတဲ့ ဝက်သားကို ကြိုက်သလိုလှီးပြီး အရသာရှိတဲ့ ထုတ်ထိုးကို ရလို့ရပါပြီ။ ကဲ... လုပ်နည်းလေးကလည်း တကယ့်ကို လွယ်ကူရိုးရှင်းလို့ အိမ်မှာ လိုက်လုပ်စားကြည့်ဖို့ တိုက်တွ့န်လိုက်ပါတယ်နော်..။
သတင်း အရင်းအမြစ်៖ Source - ZinGyi
Bong I.T