မြန်မာနိုင်ငံရဲ့ ရိုးရာပွဲတော်တွေထဲမှာ တစ်ခုအပါအဝင်ဖြစ်တဲ့ တာတက်ပွဲတော်ဟာ ဓနု၊ တောင်ရိုးတိုင်းရင်းတို့ရဲ့ ထင်ရှားတဲ့ ရိုးရာပွဲတော်ဖြစ်ပါတယ်။ အဆိုပါ ပွဲတော်ဟာ သင်္ကြန်အတက်နေ့မှစတင်ပြီး ကဆုန်လပြည့်ကျော် ၅ ရက်နေ့အထိ တစ်ရွာပြီးတစ်ရွာ ဆက်တိုက်ကျင်းပကြတာ ဖြစ်ပါတယ်။ ဒေသတွင်းမှာ နေထိုင်ကြတဲ့ ဓနု၊ တောင်ရိုး၊ ပအိုဝ်း တိုင်းရင်းသားများက မိမိတို့ကျေးရွာနှင့် အနီးပတ်ဝန်းကျင်ကျေးရွာရှိ စေတီပုထိုးများ၊ ဘုန်းတော်ကြီးကျောင်းများကို သွားရောက်ပြီး စုပေါင်းလှူဒါန်းမှုပြုလုပ်တဲ့ ပွဲလည်း ဖြစ်ပါတယ်။
ပွဲတော်ကျင်းပပုံမှာ မိမိတို့ရွာအတွက် ပွဲတော်ကျင်းပမည့်ရက်မှာ ရွာသူရွာသားများဟာ သံဃာတော်များအား ဆွမ်း၊ ခဲဖွယ်များဆက်ကပ် လှူဒါန်းကြပါတယ်။ အဲ့သလို လှူဒါန်းကြတဲ့ပွဲမှာ ကထိန်ပွဲလိုမျိုး သံဃာတော်များအတွက် အလှူဝတ္ထုများကို ပဒေသာပင်များ သီးပေးကြသလို မိမိခြံထွက် သီးနှံများကို ပဒေသာပင်အဖြစ် ချိတ်လှူဒါန်ကြတာတွေလည်း ရှိပါတယ်။
တာတက်ပွဲတော်မှာ လူကြီးသူမများက ဘာသာရေးပြုလုပ်ကြပြီး လူငယ်လူရွယ်တွေက အိုးစည်ဝိုင်းတို့ဖြင့် ဆိုတီးကြသလို လူပျိုများတလှည့် အပျိုများတလှည့် သံချပ်များ အပြိုင်ဆိုင် ထိုးကာ ကခုန်ပျော်ပါးကြပြီး ပျော်ပျော်ပါးပါး ပါဝင်ဆင်နွှဲကြပါတယ်။
သတင်း အရင်းအမြစ်៖ Source - wikipedia
Bong I.T