မိန်းကလေးတွေဟာ ကိုယ်ပိုင်အလှကိုယ်စီရှိတာကြောင့် ကိုယ့်မှာရှိနေတဲ့ သဘာဝအလှကိုထင်မြင်လာအောင်လုပ်ဖို့ လိုအပ်ပါတယ်။ အထူးတလည် မိတ်ကပ်တွေနှင့်ပြင်ဆင်တာမျိုးမဟုတ်ဘဲ သဘာဝအတိုင်းလေးလှနေတယ်လို့ခံစားရစေဖို့အတွက် လုပ်ဆောင်ရမယ့်နည်းလမ်းတွေကိုဖော်ပြပေးပါမယ်။
အသားအရေဟာအဓိကဖြစ်တာကြောင့် အသားအရေကိုစိုစွတ်ပြီး သန့်ရှင်းနေဖို့အမြဲဂရုစိုက်ပေးပါ။ အိပ်ရာမဝင်ခင်မှာ တစ်နေ့တာလုံးလိမ်းခြယ်ခဲ့တဲ့ မိတ်ကပ်တွေကိုဆေးကြောဖို့သတိရပါ။ ဒီလိုဂရုစိုက်ပေးတာနှင့်အတူ မိတ်ကပ်လိမ်းတဲ့အခါမှာလည်း သဘာဝဆန်တဲ့မိတ်ကပ်ပဲလိမ်းပါ။ အလွန်အကျွံပြင်ဆင်ခြင်းက နဂိုရှိပြီးသားအလှကိုပါပျက်စီးစေတာကြောင့် တော်သင့်ရုံမိတ်ကပ်နှင့်ပဲအလှပြင်ပါ။
တစ်ကိုယ်ရေသန့်ရှင်းရေးကလည်း အလှတရားမှာအရေးကြီးတဲ့အခန်းကနေပါဝင်ပါတယ်။ လက်သည်းတွေကိုသပ်သပ်ရပ်ရပ်ထားခြင်းနှင့် သပ်ရပ်တဲ့ဆံပင်ပုံစံက ရှိနေရင်းအလှကိုပိုပြီးတိုးစေပါတယ်။
အဝတ်အစားကလည်း လူတစ်ယောက်အတွက်အရေးကြီးတာကြောင့် ကိုယ်နှင့်လိုက်ဖက်တဲ့အဝတ်တွေကိုပဲဝတ်ဆင်ပါ။ အဝတ်အစားရဲ့ဈေးနှုန်းကအရေးမကြီးဘဲ လိုက်ဖက်မှုနှင့် အဆင်ပြေဖို့ကိုဦးစားပေးပြီးရွေးချယ်ဝတ်ဆင်ပါ။ ကိုယ့်ရဲ့ ခန္တာကိုယ်အနေအထားနှင့် ပြောဆိုဆက်ဆံပုံ လှုပ်ရှားမှုတွေကိုလည်း ယုံကြည်ချက်ရှိတဲ့ပုံစံပြောင်းလဲပါ။ ခါးမတ်မတ်ထားတာ လမ်းလျှောက်ရင် ခိုင်ခိုင်မတ်မတ်လျှောက်တာမျိုးဖြစ်ပါတယ်။
Bong I.T