ဆံပင်ကို ရိုးရိုးအတိုင်းချထားတာ စည်းထားထက် ပဝါလေးတွေကိုသုံးပြီး အချိန်ခဏလေးအတွင်းမှာ ထူးခြားတဲ့ပုံစံလေးတွေရသွားအောင်ဖန်တီးနိုင်ပါတယ်။

(၁) လည်စည်းပဝါအရောင်စုံလေးတွေနဲ့ ဆံပင်ကိုတစ်ဝက်ချစည်းထားတာလိုမျိုးလုပ်လို့ရပါတယ်။ ကိုယ့်ဆံပင်အရောင်နှင့်လိုက်ဖက်တဲ့ ပဝါလေးတွေက ဆံပင်ကိုပိုပြီးလှနေအောင်ကူညီနိုင်ပါတယ်။ ဆံပင်ကိုကြပ်ကြပ်စည်းတာမျိုးမဟုတ်ဘဲ ဖွဖွလေးနှင့် ပဝါကျနေပုံလေးပါလှအောင်စည်းရမှာပါ။

(၂) လည်စည်းပဝါကို ဆံပင်အောက်ကနေပြီးထုံးဖွဲ့ထားတာ ဒါမှမဟုတ် ထုံးထားတဲ့ဆံပင်ကို ပုဝါလေးနှင့်ပတ်ပြီး ရှေ့ဖက်မှာပုံဖော်ထားတာလေးကလည်း မြန်ဆန်ပြီးလှပတဲ့နည်းလမ်းတစ်ခုပါပဲ။

(၃) ပဝါနှင့်အတူဆံပင်ကိုရောပြီးကျစ်လိုက်တာကလည်း ၈၀ ခုနှစ်ပိုင်းကအမျိုးသမီးတွေအသုံးများတဲ့ ဆံပင်ပြင်နည်းတစ်ခုပါ။ ရိုးရှင်းပေမဲ့ ဆံပင်နှင့်ပဝါရဲ့တွဲဖက်မှုက အတော်လေးလှသလို အမြင်ဆန်းတဲ့ဆံပင်ပုံစံလေးဖြစ်ပါတယ်။

(၄) ဒီနည်းလမ်းကတော့ ပဝါအကြီးတွေနှင့်လုပ်ရတဲ့နည်းပါ။ ပုဝါကိုတြိဂံပုံခေါက်ပြီး ဦးခေါင်းအပေါ်ဖက်ကို ပဝါနှင့်အကုန်ဖုံးပြီး ဆံပင်အောက်မှာချည်ထားတဲ့ပုံဖြစ်ပါတယ်။ ပျော်ပွဲစားနှင့်ခရီးထွက်တဲ့အချိန်လိုမျိုးမှာ ပြင်ဆင်ချိန်နည်းပြီးပုံရိုက်ရင်လည်းလှစေတဲ့နည်းလမ်းလေးပါ။

(၅) ပဝါအကြီးနှင့်ဆံပင်အကုန်လုံးကိုသိမ်းပြီးဖုံးထားလိုက်တဲ့ပုံစံပါ။ ဒီနည်းလမ်းကတော့ ရိုးရှင်းပေမဲ့ ပဝါပုံစံကနေရာတကျဖြစ်ဖို့ခက်ခဲနိုင်ပါတယ်။ အရင်ခေတ်ကအမျိုးသမီးတွေလုပ်လေ့ရှိတဲ့ပုံစံဖြစ်ပြီးတော့ ရိုးရှင်းပြီးထူးခြားတဲ့ပုံစံလေးဖြစ်ပါတယ်။

Photos from Google