ဒီတစ်ခါမှာတော့ အိမ်ရှင်မတွေအတွက် ဈေးဖိုးလည်းအကုန်အကျသက်သာမယ်၊ အရသာရှိပြီး ထမင်းမြိန်စေမယ့် အလွယ်ဆုံး ခရမ်းချဉ်သီး ငါးပိချက် ချက်နည်းလေးကို မျှဝေသွားမှာဖြစ်ပါတယ်။
အရသာရှိတဲ့ ခရမ်းချဉ်သီးငါးပိချက် ချက်နည်းလေးကို မပြောခင်မှာ ထုံစံအတိုင်း လိုအပ်တဲ့ ပါဝင်ပစ္စည်းတွေကို ပြောပြပေးပါမယ်…..
အရသာပြီးပြည့်စုံတဲ့ ခရမ်းချဉ်သီးငါးပိချက်ရဖို့ဆိုရင် လိုအပ်တဲ့ပါဝင်ပစ္စည်းတွေက ခရမ်းချဉ်သီး ၊ ကြက်သွန်(ဖြူ/နီ) ၊ ငရုတ်သီးစိမ်း/အရောင်တင်မှုန့်၊ နံနံပင် နှင့် မျှင်ငါးပိ အနည်းငယ် တို့ဖြစ်ပါတယ်။
ကဲ…ပါဝင်ပစ္စည်းတွေကို ပြောပြီးပြီဆိုတော့ အရသာရှိတဲ့ ခရမ်းချဉ်သီးငါးပိချက် စချက်ကြရအောင်…
မချက်ခင် အရင်ဆုံး ခရမ်းချဉ်တွေကို ရေသန့်စင်အောင် ဆေးပြီး လှီးထားပေးပါ။ ပြီးရင် ကြက်သွန်(ဖြူ/နီ) နှင့် ငရုတ်အရောင်တင်မှုန့်တို့ကို ရောပြီးထောင်းထားပါ။ ဒါတွေအားလုံးလုပ်ပြီးရင် စောစောကလှီးထားတဲ့ ခရမ်းချဉ်သီးတွေကို ဒယ်အိုးထဲထည့်ပြီး လိုအပ်တဲ့ အချို၊အငန် ၊ ဆီအနည်းငယ် နှင့် မျှင်ငါးပိ တို့ကို တစ်ခါတည်းထည့်ပြီး စတင်ချက်လို့ရပါပြီ။ ခရမ်းချဉ်သီးတွေ နူးအိပြီး ပျော်သွားတဲ့အထိ ခဏခဏ မွေပေးရပါမယ်။
ခရမ်းချဉ်သီးကထွက်တဲ့အရည် ကုန်သလောက်ဖြစ်ပြီး ဆီလေးပြစ်ပြစ်နေရင်တော့ ငရုတ်သီးအစိမ်းနှင့် နံနံပင်လေးထည့်လိုက်ပါ။ ပြီးရင်တော့ အရမ်းအရသာရှိပြီး ထမင်းမြိန်စေမယ့် ခရမ်းချဉ်သီး ငါးပိချက်ကို စားလို့ရပါပြီ။ ကဲ… အလွယ်ဆုံး ခရမ်းချဉ်သီးငါးပိချက် ချက်နည်းလေးကို သိပြီဆိုတော့ ကိုယ်တိုင်လုပ်စားကြည့်ကြပါနော်…။
သတင်း အရင်းအမြစ်៖ Source - ZinGyi
Bong I.T