သီချင်းနားထောင်ရင်းစာလုပ်တာဟာ တစ်ချို့သူတွေအတွက် ကောင်းတဲ့နည်းလမ်းဖြစ်နိုင်ပေမဲ့ အဆင်မပြေတဲ့သူတွေလည်းရှိနိုင်ပါတယ်။ ဒါကြောင့် သီချင်းနားထောင်ရင်းစာလုပ်တဲ့အခါ ထိရောက်ပြီးတော့အကျိုးရှိသွားအောင်လုပ်ရမယ့်နည်းလမ်းလေးတွေကိုဖော်ပြသွားပါမယ်။
(၁) မှန်ကန်တဲ့သီချင်းကိုရွေးချယ်ပါ။
သီချင်းအမျိုးအစားဟာ စာလုပ်နေတဲ့ခံစားချက်ကိုလိုက်ညှိပေးနိုင်တဲ့အမျိုးအစားဖြစ်ရပါမယ်။ အိပ်ငိုက်နေချိန်ဆိုရင် လန်းဆန်းတဲ့သီချင်းလေးတွေနားထောင်တာ အတွက်အချက်တွေလုပ်နေတဲ့အချိန်ဆို ငြိမ့်ညောင်းတဲ့သီချင်းလေးတွေနားထောင်တာ အစရှိသဖြင့် ကိုယ့်ရဲ့ခံစားချက်နှင့်ကိုက်ညီတဲ့သီချင်းကိုရွေးတတ်ဖို့အရေးကြီးပါတယ်။
(၂) အသံအတိုးအကျယ်ကိုဂရုစိုက်ပါ။
စာလေ့လာတဲ့ချိန်မှာ အကြားအာရုံမှာပုံမှန်အချိန်ထက် ထိရှလွယ်တာကြောင့်သီချင်းသံရဲ့အတိုးအကျယ်ကိုဂရုစိုက်ပေးပါ။ အသံကိုအလယ်အလတ်မှာထားပြီး နားကြပ်နှင့်နားထောင်တယ်ဆိုရင် တစ်ခါတစ်လေချွတ်ပေးဖို့သတိရပါ။
(၃) သီချင်းစာသားနှင့်ဘာသာစကားကို အဆင်ပြေတဲ့သီချင်းပဲနားထောင်ပါ။
ဂီတမှာဘာသာစကားမလိုဘူးဆိုပေမဲ့ ကိုယ်မရင်းနှီးတဲ့ဘာသာစကားနှင့်သီချင်းတစ်ပုဒ်ကိုနားထောင်မိရင် သူ့ရဲ့စာသားတွေကိုသိချင်နေတာကြောင့် စာလေ့လာမှုမှာအာရုံစိုက်မှုလျော့သွားနိုင်ပါတယ်။ ဒါကြောင့် ကိုယ်နှင့်ရင်းနှီးပြီး အဆင်ပြေတဲ့သီချင်းတွေကိုပဲနားထောင်ပါ။
(၄) စာလုပ်နေတာကိုမမေ့ပါစေနဲ့
သီချင်းနားထောင်ရင်းစာလေ့လာတယ်ဆိုပေမဲ့ သီချင်းက စာလေ့လာမှုကိုလွှမ်းမိုးသွားရင်အဆင်မပြေပါဘူး။ ဒါကြောင့် သီချင်းကိုအာရုံအဓိကမထားဘဲ စာကိုပဲပိုပြီးအာရုံစိုက်သင့်ပါတယ်။ သီချင်းနားထောင်တာဟာ စာကိုပိုအာရုံစိုက်နိုင်အောင်ကူညီပေးတဲ့ အရာလို့ပဲယူဆထားပြီး နားထောင်သင့်ပါတယ်။
(၅) အဆင်ပြေမပြေကို စစ်ဆေးပါ
ဒီလိုစာလေ့လာရင်း သီချင်းနားထောင်တာဟာကိုယ့်အတွက် အဆင်ပြေရဲ့လားဆိုတာကို ဆန်းစစ်ပါ။ သီချင်းကြောင့် အဆင်မပြေတာ အာရုံမစိုက်နိုင်တာဖြစ်တယ်ဆိုရင် ဒီလိုမလုပ်တော့ဘဲ တစ်ခြားနည်းလမ်းနှင့်ပဲစာလေ့လာပါ။
#သီချင်း #စာလေ့လာ #နားထောင်ခြင်း #အာရုံစိုက် #နည်းလမ်း #အမျိုးအစား
Bong I.T