(၁) သတိပေးတဲ့ App တွေသွင်းထားပါ။

ဖုန်းသုံးတာ အချိန်တစ်ခုကြာရင် သတိပေးစာပို့ပေးမယ့် App တစ်ခုခုကိုဖုန်းထဲထည့်ထားပါ။ တစ်ရက်ကိုဘယ်လောက်ထိ ဖုန်းကြည့်မိတယ်ဆိုတာကိုပါ မှတ်တမ်းတင်ထားပြီး Screentime အနည်းအများကိုတွက်ချက်ပါ။

(၂) မနက်ခင်းနှင့် အိပ်ခါနီးမှာ ဖုန်းမသုံးမိဖို့ကြိုးစားပါ။ 

တစ်နေ့တာ အစပြုတာနှင့်အဆုံးသတ်တဲ့ အချိန်မှာဖုန်းသုံးမိတာဟာကျန်တဲ့အချိန်တွေထက်ပိုပြီးအရေးကြီးတာကြောင့် အဲ့ဒီ့အချိန်တွေမှာဖုန်းမသုံးမိဖို့ဂရုစိုက်ပါ။ အိပ်ခါနီးဆိုရင် ဖုန်းကြည့်လိုက်မိတာနှင့် ဆက်တိုက်ကြည့်ချင်သွားတတ်တာကြောင့် အဲ့ဒီ့အချိန်တွေမှာ ဖုန်းမကြည့်မိဖို့ဂရုစိုက်ပါ။

(၃) ဖုန်းမကြည့်ရတဲ့ ဝါသနာတစ်ခုခုရှာဖွေပါ။

Screen Time လျှော့ဖို့အတွက် ဖုန်းမကြည့်ရတဲ့ ဝါသနာတစ်ခုခုရှာဖွေပါ။ စာဖတ်တာ ချည်ထိုးတာအစရှိတဲ့လက်မှုပညာတွေကို အားလပ်ချိန်မှာလုပ်တာက အချိန်တိုင်းဖုန်းသုံးမိနေတဲ့အကျင့်ကို ပြင်ပေးနိုင်မှာပါ။

(၄) မိသားစု နှင့်သူငယ်ချင်းတွေကြားမှာ ဖုန်းမသုံးရမယ့်စည်းမျဥ်းတွေသတ်မှတ်ထားပါ

သူငယ်ချင်းတွေ စုပြီးတွေ့ကြတဲ့အချိန်လိုမျိုးမှာ ဖုန်းမသုံးကြဖို့ သတ်မှတ်ချက်တစ်ခုထားထားပါ။ မိသားစုဝင်တွေကြားမှာလည်း ဖုန်းသုံးဖို့ထက် အချင်းချင်းစကားပြောတာ အကြောင်းအရာတစ်ခုကိုဆွေးနွေးတာမျိုးလုပ်ပြီး ဖုန်းသုံးတာကိုလျော့ချနိုင်ပါတယ်။ 

(၅) ဖုန်းမသုံးရတဲ့ အချိန်တစ်ခုသတ်မှတ်ထားပါ။

ဖုန်းလုံးဝမသုံးရမယ့် နေ့ ဒါမှမဟုတ် အချိန်အပိုင်းအခြားသတ်မှတ်ထားပြီးတော့ အဲ့ဒီ့အချိန်အတွင်းမှာ လုံးဝဖုန်းမကြည့်ဖြစ်ဖို့ ကြိုးစားပါ။ အလေ့အကျင့်ဖြစ်သွားရင် အဲ့ဒီ့အချိန်ကိုတစ်ဖြေးဖြေးတိုးသွားနိုင်ပါတယ်။ 

#ScreenTime  #ဖုန်းသုံးခြင်း  #လျှော့ချဖို့  #မိသားစု  #သူငယ်ချင်း