ထိုင်းနိုင်ငံ တောင်ပိုင်း ဆုန်ခလာခရိုင်မှာ တရားမဝင်ပြည်ဝင်မှုနဲ့ဖမ်းဆီးခံထားရတဲ့ မြန်မာနိုင်ငံသား ၁၃ ဦးဟာ သူတို့ကိုဖမ်းထားတဲ့ ဒေသန္တရရဲစခန်းကနေ ထွက်ပြေးမှုဖြစ်လို့ ထိုင်းရဲတပ်ဖွဲ့က ဆက်လက် ရှာဖွေနေတယ်လို့ ထိုင်းသတင်းတွေက ဖော်ပြခဲ့ပါတယ်။ 

အဆိုပါ မြန်မာနိုင်ငံသားများဟာ အခုလဆန်းပိုင်းလောက်က မလေးရှားကို အလုပ်လုပ်ဖို့ ကားဖြင့်လိုက်လာကြရင်း ရတ်တဖူမြို့နယ်ထဲ က ခူဟာလမ်းဆုံမှာ ထိုင်းလူဝင်မှုကြီးကြပ်ရေးရဲတပ်ဖွဲ့က ဖမ်းဆီးခဲ့တာ ဖြစ်ပါတယ်။ 

ဒါပေမယ့် ပြီးခဲ့တဲ့  ဇွန်လ ၂၅ ရက်နေ့ကတော့ ဖမ်းဆီးထားတဲ့ မြန်မာနိုင်ငံသားတွေဟာ ရတ်တဖူမြို့နယ်ရဲစခန်းကနေ ထွက်ပြေးခဲ့တာ ဖြစ်ပါတယ်။ လက်ရှိမှာတော့ ထွက်ပြေးသွားတဲ့ ၁၃ ဦးအနက် တစ်ဦးကိုတော့ ဖမ်းမိထားပြီး ကျန်နေသေးတဲ့ သူတွေကို ဆက်လက်ရှာဖွေနေတယ်လို့ ဆိုပါတယ်။ 

သတင်း အရင်းအမြစ်៖ Source - BBC Burmese