လူတွေကြားမှာဆက်ဆံရေးပုံစံတွေအမျိုးမျိုးရှိကြပြီးတော့ မတူညီတဲ့ဆက်ဆံရေးပုံစံအလိုက်မတူညီတဲ့ခံစားချက်တွေရှိတတ်ကြပါတယ်။

(၁) Platonic Relationship

ဒီဆက်ဆံရေးအမျိုးအစားဟာ ပါတနာနှစ်ယောက်ဟာသူငယ်ချင်းဆက်ဆံရေးထက်ပိုပေမဲ့ အချင်းချင်းချူပ်ချယ်ကြတဲ့ ဆက်ဆံရေးလည်းမဟုတ်ပါဘူး။ နှစ်ယောက်သားဟာအရင်းနှီးဆုံးလူတွေ ဒါမှမဟုတ် အရင်းနှီးဆုံးသူငယ်ချင်းတွေလိုမျိုးနေကြတာဖြစ်ပါတယ်။

(၂) Romantic Relationship

ဒီဆက်ဆံရေးကတော့ ချစ်သူရည်းစားတွေကြားကဆက်ဆံရေးပဲဖြစ်ပါတယ်။ ခံစားချက်တွေအတူမျှဝေပြီး ပျော်ရွှင်စရာကောင်းတဲ့အခိုက်အတန့်တွေကိုဖန်တီးကြတဲ့ဆက်ဆံရေးဖြစ်ပါတယ်။

(၃) Codependent Relationship

ဒီဆက်ဆံရေးကိုတော့ အိမ်ထောင်ရှင်တွေကြားမှာတွေ့ရတာပဲဖြစ်ပါတယ်။ အပြန်အလှန်နားလည်မှုရှိပြီး ကလေးမွေးတာ ပြုစုပျိုးထောင်တာ စတဲ့အလုပ်တွေကိုအတူလုပ်ကိုင်ကြဖို့ရည်ရွယ်ထားကြတဲ့ဆက်ဆံရေးဖြစ်ပါတယ်။

(၄) Casual Relationship

ဒီလိုဆက်ဆံရေးတွေက ချစ်သူဆက်ဆံရေးအဖြစ်မသတ်မှတ်နိုင်တဲ့ အတွဲတွေကြားကဆက်ဆံရေးလို့ဆိုနိုင်ပါတယ်။ အချင်းချင်းလိုအပ်မှသာ နှစ်ဦးသဘောတူတွေ့ဆုံတာတို့ ချိန်းတွေ့တာတို့လုပ်ကြတဲ့ဆက်ဆံရေးဖြစ်ပါတယ်။

(၅) Open Relationship

ပွင့်လင်းမြင်သာမှုနှင့်အချုပ်အနှောင်တွေကိုဖယ်ရှားတဲ့ဆက်ဆံရေးဖြစ်ပါတယ်။ ပါတနာနှစ်ယောက်အနေနှင့် တစ်ခြားကိုယ်တွဲချင်တဲ့သူတွေကိုလည်းတွဲနိုင်သလို ကိုယ်လိုချင်တဲ့အချိန်တစ်ဖက်သူဆီကိုအချိန်မရွေးပြန်လာခွင့်ရှိတဲ့ဆက်ဆံရေးဖြစ်ပါတယ်။ ဒီဆက်ဆံရေးမှာဆိုရင် ကန့်သတ်ချက်တွေမရှိတာကြောင့် ဖောက်ပြန်တာတို့ လမ်းခွဲတာတို့မရှိပါဘူး။

(၆) Toxic Relationship

လူတွေကိုစိတ်ဒုက္ခအပေးနိုင်ဆုံးဆက်ဆံရေးအမျိုးအစားဖြစ်ပါတယ်။ ဒီလိုဆက်ဆံရေးမျိုးဟာ ပါတနာတစ်ယောက်ရဲ့အမှားကြောင့်ဖြစ်စေ နှစ်ဖက်လုံးကြောင့်ဖြစ်စေ ပျော်ရွှင်မှု အနည်းအကျဥ်းတောင်မပေးဘဲ စိတ်ဒဏ်ရာတွေကိုသာဖြစ်စေတဲ့ဆက်ဆံရေးဖြစ်ပါတယ်။