ဒီ ကျောက်စရစ်ခဲဟင်းလျာကို တရုတ်နိုင်ငံ ဟူဘေးပြည်နယ်ရှိ အန်ရှုးဒေသရဲ့ ချန်ရှ ညစျေးမှာ တွေ့နိုင်ပါတယ်။ ဒီ ဟင်းလျာကို ငရုတ်ဆီ၊ ကြက်သွန်ဖြူ၊ ငရုတ်သီးခြောက်တွေ၊ အခြား ဟင်းခတ်အမွှေးအကြိုင်တွေနဲ့ ကျောက်စရစ်ခဲတွေကို ရောပြီး ချက်ထားတာပဲ ဖြစ်ပါတယ်။
ဒီ ဟင်းလျာရဲ့စားပုံစားနည်းကတော့ ကျောက်စရစ်ခဲပေါ်မှာ ကပ်နေတဲ့ ဟင်းအနှစ်တွေကို စားရတာဖြစ်ပြီး ကျောက်စရစ်ခဲတွေကိုတော့ ထွေးထုတ်ရတာပဲ ဖြစ်ပါတယ်။မြစ်တွေနဲ့ ချောင်းတွေမှာသာ တွေ့ရတဲ့ ကျောက်စရစ်ခဲတွေကို ယူပြီး ချက်ထားတဲ့ အတွက်ကြောင့်လည်း ကျောက်ခဲတွေရဲ့ အရသာက ငါးအရသာ ရှိတယ်လို့ စားဖူးသူတွေက ဆိုကြပါတယ်။
ဒီဟင်းလျာက Tiktok အသုံးပြုသူတစ်ယောက်ကြာင့် Social Media ပေါ် ခေတ်စားလာတာဖြစ်ပြီး လူတွေကလည်း ကျောက်ခဲနဲ့ ချက်ထားတာဖြစ်လို့ မစားသင့်ဘူးလို့လည်း ဝေဖန် ပြောဆိုနေကြပါတယ်။