ကိုယ့်ရဲ့တစ်နေ့တာကို မှတ်တမ်းရေးတာ ဒိုင်ယာရီရေးတာဟာ သိပ်မထူးဆန်းတဲ့ကိစ္စဖြစ်ပေမယ့် အကျိုးသက်ရောက်မှုအများကြီးကိုဖြစ်စေပါတယ်။ သိပ္ပံပညာရှင်တွေရဲ့ လေ့လာမှုတွေအရ အောင်မြင်တဲ့သူအများစုမှာ ဒိုင်ယာရီရေးတဲ့အလေ့အကျင့်ရှိကြပါတယ်။ ဒါဆိုဒိုင်ယာရီရေးခြင်းရဲ့ တစ်ခြားအကျိုးကျေးဇူးတွေကို ဖော်ပြ ပေးသွားပါမယ်။
(၁) ကိုယ့်ရဲ့ဆန္ဒတွေကို မြန်မြန်ဖြစ်လာစေတယ်။ ဒိုင်ယာရီရေးရင်းနှင့်ကိုယ်ဖြစ်ချင်တဲ့အကြောင်းအရာကို သတိတရရေးနေခြင်းက အဲ့ဒီဆန္ဒတွေကို မြန်မြန်ဖြစ်လာစေဖို့အထောက်အကူပြုပါတယ်။ ဆန္ဒတွေဖြစ်လာဖို့ ကြိုးစားချင်စိတ်ကိုပါဖြစ်စေတာကြောင့်ဖြစ်ပါတယ်။
(၂) ကိုယ့်ရဲ့တိုးတက်လာမှုနှင့်အခြေအနေတွေကို အမှန်တိုင်းမြင်စေတယ်။ နေ့စဥ််ရေးခြင်းက သိပ်မသိသာပေမဲ့ တစ်လလောက်ကြာတဲ့အခါကိုယ့်ရဲ့တစ်လတာဒိုင်ယာရီကိုကြည့်လိုက်ရင် ဘာတွေပြောင်းလဲသွားလဲဆိုတာကိုသေချာမြင်တွေ့နိုင်မှာဖြစ်ပါတယ်။
(၃) စိတ်ဖိစီးမှုနှင့် ဖိအားတွေကိုပြေပျောက်စေတယ်။ ဒိုင်ယာရီရေးခြင်းက ကိုယ့်အတွေးထဲမှာ ဖြစ်နေတဲ့အကြောင်းအရာတွေကို တိုက်ရိုက်ရေးချရတာဖြစ်တာကြောင့် စိတ်ညစ်စရာနှင့်ဖိအားတွေကို လျော့ကျစေပါတယ်။ တစ်ချို့စိတ်ပိုင်းဆိုင်ရာ ကုသမှုခံနေရတဲ့သူတွေကို ဒိုင်ယာရီရေးခြင်းကအများကြီးကူညီပေးနိုင်ပါတယ်။
(၄) ကိုယ့်ရဲ့အစစ်အမှန်ကိုသိရှိစေပါတယ်။ ကိုယ်ဘာကိုသဘောကျပြီး ဘာကိုအကြိုက်ဆုံးလဲဆိုတဲ့မေးခွန်းမျိုးကို ဒိုင်ယာရီကနေရှာတွေ့နိုင်ပါတယ်။ ကိုယ့်ရဲ့ဖြတ်သန်းမှုအကြောင်းကို ရိုးရိုးရှင်းရှင်းရေးထားတာဖြစ်တာကြောင့် ကိုယ့်ရဲ့တစ်ကယ့်အစစ်အမှန်ကို အလွယ်တကူသိနိုင်တာဖြစ်ပါတယ်။
(၅) မှတ်ဉာဏ်ကိုတိုးတက်စေတယ်။ တစ်နေ့တာကိုပြန်စဥ်းစားပြီးရေးရတာဖြစ်တဲ့အတွက် ကိုယ့်ရဲ့မှတ်ဉာဏ်ကိုအလုပ်ပေးထားရတာဖြစ်သလို ပြန်လည်တွေးနေရတဲ့အတွက် မှတ်ဉာဏ်ကိုအလေ့အကျင့်ဖြစ်ပြီး ကောင်းမွန်စေပါတယ်။ ဒါကြောင့် ဒိုင်ယာရီရေးလေ့ရှိသူတွေဟာ အသက်ကြီးပိုင်း မှတ်ဉာဏ်ဆိုင်ရာရောဂါတွေမဖြစ်ကြတာများပါတယ်။
Bong I.T