ကျောက်ကပ်ရောဂါရှိသူတစ်ယောက်အနေနဲ့ ဒီအစားအစာတွေက မစားသင့်ပါဘူး။ ဒီအစားအစာတွေက ကျောက်ကပ်ပျက်စီးမှုကို ပိုဆိုးသွားစေနိုင်တာကြောင့်ပါ။ အတတ်နိုင်ဆုံး ပိုတတ်ဆီယမ်မြင့်တဲ့ အစားအစာတွေကို ရှောင်ကြဉ်သင့်ပါတယ်။
ထောပတ်သီး
ပိုတက်ဆီယမ်ပါဝင်မှုကလည်း မြင့်တဲ့ထောပတ်သီးဟာ အာဟာရပါဝင်မှုမြင့်သလို နှလုံးကျန်းမာစေတဲ့ အဆီ၊ အမျှင်ဓာတ်၊ ဓာတ်တိုးဆန့်ကျင်ပစ္စည်းတွေ များစွာပါဝင်နေပါတယ်။ ကျန်းမာရေးနဲ့ ညီညွတ်တဲ့ အစားအစားတစ်မျိုးဆိုပေမယ့် ကျောက်ကပ်ရောဂါရှိနေသူတွေအတွက်တော့ မသင့်တော်ပါဘူး။
ဂျုံကြမ်း ပေါင်မုန့် (ပေါင်မုန့်ကြမ်း )
ပေါင်မုန့်ကြမ်းက ကျန်းမာရေးနဲ့ညီညွတ်တဲ့ အစားအစာတစ်ခုဖြစ်ပေမယ့်လည်း ဆိုဒီယမ် ပါဝင်မှုမြင့်သလို ပိုတက်ဆီယမ်လည်း တော်တော်လေးပါဝင်နေပါတယ်။ ဒါကြောင့် ကျောက်ကပ်ရှိသူတွေအနေနဲ့ ဂျုံကြမ်း ပေါင်မုန့်အစား၊ ပေါင်မုန့်အဖြူကိုပဲစားပေးပါ။
ဆန်လုံးညို
ဆန်လုံးညိုမှာ ဆန်ဖြူထက် ပိုတက်ဆီယမ် နဲ့ phosphorus ပါဝင်မှုများနေပါတယ်။ ဒါကြောင့် ကျောက်ကပ်ရောဂါရှိနေမယ်ဆိုရင် ဆန်လုံးညိုမစားပါနဲ့။
ငှက်ပျောသီး
ငှက်ပျောသီးမှာ ပိုတက်ဆီယမ်ပါဝင်မှုမြင့်တာကြောင့် ကျောက်ကပ်ရောဂါရှိသူတွေ မစားသင့်ပါဘူး။
လိမ္မော်သီး
လိမ္မော်သီးက ဗီတာမင် C ကြွယ်ဝသလို ပိုတက်ဆီယမ်ပါဝင်မှုလည်း မြင့်ပါတယ်။ ဒါကြောင့် ကျောက်ကပ်ရောဂါရှိနေတယ်ဆိုရင် လိမ္မော်သီး မစားပါနဲ့။
ဒါတွေအပြင်ကျောက်ကပ်ရောဂါရှိသူတွေအနေနဲ့ အာလူး၊ ကန်စွန်းဥ၊ စွန်ပလွံသီး၊ စပျစ်သီးခြောက်လိုမျိုး အသီးခြောက်တွေ၊ အချဉ်စိမ်ထားတဲ့အရာတွေ၊ ဆားရည်စိမ်ထားတဲ့အရာတွေ၊ ငါးပိ၊ ငါးခြောက်၊ ပုဇွန်ခြောက်တိုကို မစားသင့်ပါဘူး။
Bong I.T