ကြက်ဥပေါင်းလုပ်နည်း လေးပြောပြပေးမယ်နော်

သင်္ဘောသီးထောင်းနဲ့ တွဲရောင်းနေကြ ကြက်ဥကင် ကြက်ဥပေါင်းလေးတွေစားဖူးလား? အိအိလေးနဲ့ တထုတ်ထုတ်လေးစားရတဲ့ သူ့အရသာကို အားလုံးပဲနှစ်သက်မယ်လို့ထင်ပါတယ်

ပါဝင်ပစ္စည်းများ

- ကြက်ဥ ၁၀လုံး

- ပဲငံပြာရည်အကြည် ၂ဇွန်း

- ဆား ဝ.၅ဇွန်း

- ကြက်သားမှုန့် ၁.၅ဇွန်း

- ငရုတ်ကောင်းမှုန့် ၁ဇွန်း

- ခရုဆီ ၁ဇွန်း

(ဇွန်း=လဘက်ရည်ဇွန်း)

ပြင်ဆင်ချက်ပြုတ်နည်း

-ကြက်ဥများကိုအပေါက်သေးဖောက်ပြီးအကာအနှစ်များကိုထုတ်

-ကျန်ပါဝင်ပစ္စည်းများနှင့်သမအောင်ရောမွှေခလောက်

- ဖောက်ထားတဲ့အပေါက်ကတဆင့် မွှေထားတဲ့အရည်တွေကို ပြည့်ဖို့လက်တစ်ဆစ်အလိုအထိ ပြန်ထည့်

- ပေါင်းအိုးထဲ ထည့်ပြီးမိနစ်၂၀ခန့်ပေါင်း(၅မိနစ်တစ်ခါ အဖုံးဖွင့်ကြည့်ပေးပါ။ အပူရှိန်တအားများရင် ကြက်ဥများပွတက်လာတတ်ပါတယ်)

-ကြက်ဥမာလာပြီဆိုရင် စားသုံးနိုင်ပါပြီ……

ကဲ အရသာလည်းရှိ အဆာပြေအနေနဲ့လည်းစားလို့ကောင်းတဲ့ ကြက်ဥပေါင်းလေးကို အိမ်မှာလုပ်စားကြည့်ကြဦးနော်