ဘောလုံးအားကစားပြီးရင် ဒုတိယလူကြိုက်အများဆုံးလို့ပြောနိုင်တဲ့ ဒီဘတ်စကတ်ဘောကစားနည်းကို ၁၈၉၁ မှာ James Naismith ဆိုတဲ့သူကပထမဆုံးဖန်တီးခဲ့တာပါ။ သူဟာ သူတာဝန်ထမ်းဆောင်တဲ့ကျောင်းကကျောင်းအုပ်ဆရာကြီးရဲ့အကြံပေးချက်အရ အိမ်တွင်းမှာပဲကလေးတွေလှုပ်ရှားပြီးဆော့လို့ရတဲ့ ဒီအားကစားကိုတီထွင်ခဲ့တာပါ။ 

James ကဒီကစားနည်းကို ဘောလုံး၊ ဟော်ကီနှင့်အမေရိကန်ဘောလုံးအားကစားနည်းတွေကိုမှီငြမ်းပြီး အားကစားအသစ်တစ်ခုဖန်တီးခဲ့တာပါ။

ဆောင်းရာသီလိုနှင်းတွေကြောင့်အန္တရာယ်များတတ်တဲ့ကာလမှာ ကလေးတွေအတွင်းမှာပဲလှုပ်ရှားပြီးဆော့ဖို့ဆိုတဲ့ရည်ရွယ်ချက်နှင့်စတင်ဖန်တီးခဲ့တာဖြစ်ပါတယ်။ အစောပိုင်းဘတ်စကတ်ဘောကစားနည်းမှာ တစ်ဖက်အသင်းမှာလူကိုးယောက်စီနှင့်စုစုပေါင်း၁၈ယောက်ပါဝင်ခဲ့တာဖြစ်ပါတယ်။

ဒီအားကစားနည်းရဲ့အစောပိုင်းအခြေခံစည်းမျဥ်းတွေကတော့ တစ်ဖက်လူကိုထိတွေ့တာကိုအဓိကကန့်သတ်ပြီး ဘောလုံးကိုပိုက်ထားပြီးပြေးတာ လမ်းလျှောက်တာမျိူးကိုခွင့်မပြုတာပဲဖြစ်ပါတယ်။ အခုချိန်မှာလည်း ဒီစည်းမျဥ်းတွေကအရေးကြီးနေဆဲဖြစ်ပါတယ်။ James ဟာသူ့ကစားနည်းရဲ့ကစားသမားဦးထုပ်တီထွင်မှုအတွက်လည်း မှတ်တမ်းတင်ခံရပါသေးတယ်။ 

အမေရိက မက်ဆာချူးဆက်မြို့မှာလည်း James အမှတ်တရအဆောက်အအုံတစ်ခုရှိပါတယ်။ ကျောင်းတွင်းက ကလေးတွေအတွက်ပဲရည်ရွယ်ပြီး တီထွင်ခဲ့တဲ့ဘတ်စကတ်ဘောကစားနည်းကတော့အခုဆိုရင် ကမ္ဘာတစ်ဝှမ်းလူတွေအကြိုက်တွေ့ကြတဲ့ကစားနည်းတစ်ခုဖြစ်လာခဲ့ပါတယ်။