Korean ကင်မ်ချီထမင်းသုပ် သုပ်စားကြမယ်
ကင်မ်ချီထမင်းသုပ်ပြုလုပ်ဖို့ အဓိကလိုအပ်တာကတော့ Korean ကင်ချီရယ် ၊ Korean ငရုတ်ဆော့စ်ရယ် ၊ ပဲငံပြာရည်ရယ် ၊ ကြာညို့အချို (အရည်ကျဲ) ရယ် လိုပါတယ် ။
နောက်ထပ် ပါဝင်ပစ္စည်းများကတော့ Koreanကင်ချီ - ၁ထုပ် Koreanငရုတ်ဆော့ - ၁ဘူး မုန့်ညှင်းရွက် - ၁စည်း သခွားသီး - အနည်းငယ် ခါကြက်ဥ(မုန်လာဥနီ) - အနည်းငယ် မှို(ပုံပါအတိုင်း) - အနည်းငယ် ငရုတ်သီးစိမ်း - အနည်းငယ် နှမ်း - အနည်းငယ် ဟင်းချိုမှုန့် - အနည်းငယ် ဆား - အနည်းငယ် ကြက်သွန်မြိတ် - ၁စည်း တို့ပဲဖြစ်ပါတယ် ကဲစပြီးချက်ကြည့်ရအောင်နော်…
ပြင်ဆင်ပြုလုပ်နည်း မုန့်ညင်းရွက် ၁စည်းကို ပြုတ်ထားပါ ။ ကြက်သွန်မြိတ် ၁စည်းကိုလှီးထားပါ ။ သခွားသီးနဲ့ ခါကြက်ဥကို အချောင်းရှည်ရှည် မထူမပါးလေး လှီးထားပါ ။ မှိုကိုရေဆေးပြီး အဆင်သင့်ပြင်ထားပါ ။ မှိုကို ဆီပါလေကာလေး ထည့်ပီး မှိုဖတ်တွေ လိတ်သွားသည်အထိ ကြော်ပေးပါ ။ (ဆား ၊ ဟင်းချိုမှုန့်အနည်းငယ်ထည့်ကြော်ပါ) ခါကြက်ဥကို ဆီပါလေကာလေး ထည့်ပီးနွမ်းသည်အထိကြော်ပေးပါ ။ (ဆား/ဟင်းချိုမှုန့်အနဲငယ်ထည့်ကြော်ပါ)
ထမင်း (၃ယောက်စာ) ကို ပန်းကန်လုံး အဝိုင်းထဲထည့်ထားပါ ။ (ဆန်ကို စီးစီလေးဖစ်အောင် ပေါ်ဆန်းမွှေးဆန်နဲ့ရွှေဘိုမဂျမ်းတောကိုရောချက်ထားတာပါ) ကင်မ်ချီနဲ့ငရုတ်ဆော့ကို အဆင်သင့်ပြင်ထားပါ ။ ပဲငံပြာရည်နဲ့ကြာညို့ (အရည်ကျဲ) ကို ပြင်ထားပါ ။ ပုံပါအတိုင်း ပြင်ဆင်ပါ > ထမင်းထဲသို့ (ပဲငံပြာရည်နဲ့ကြာညို့ (အရည်ကျဲ) ကို အရင်ထည့်ပါ ။ ပီးရင် ငရုတ်ဆော့၄ဇွန်းထည့်ပါ ။ (ထမင်းစားဇွန်း) ဟင်းချိုမှုန့်အနဲငယ်ထည့်ပါ ။ နောက်တော့ ဘေးပတ်ပတ်လည်မှာ ကင်ချီ ၄ဇွန်း(ထမင်းစားဇွန်းထည့်ပါ) ။ ခုနက ကြော်ထားတဲ့ (မှိုနဲ့ခါကြက်ဥကိုထည့်ပါ) ။ မုန့်ညင်းပြုတ်ကို ထည့်ပါ ။ ငရုတ်သီးစိမ်းကို လှီးပီးထည့်ပါ ။ ကြက်သွန်မြိတ်ထည့်ပါ ။ သခွားသီးလှီးထားတာတွေထည့်ပါ ။ နှမ်းအနည်းငယ် ဖြူးပါ ။ အကုန်လုံး ပြင်ဆင်ပီးရင် သမအောင်နှယ်ပေးပါ ။ ပြီးရင်တော့ အရသာရှိလှတဲ့ "Koreanကင်မ်ချီထမင်းသုပ်"လေးကို သုံးဆောင်လို့ ရပါပြီ ။
အရသာလည်းရှိပြီး ထမင်းကြိုက်တဲ့သူတွေအတွက် အရမ်းမိုက်တဲ့ကိုရီးယားစာလေးမလို့အိမ်မှာလုပ်စားကြည့်ကြဦးနော်
Bong I.T