ရည်စားရှာ‌တွေ့တဲ့ဘဝကို မြှင့်တင်ဖို့အတွက် Minnesota မှ အမျိုးသားတစ်ယောက်ဟာ ခြေထောက်ကို အရှည်ငါးလက်မ တိုးစေဖို့ ခြေထောက်ရှည်စေတဲ့ ခွဲစိတ်မှု နှစ်ခုကို ဒေါ်လာ 1,70,000 ကုန်ကျခံပြီး ပြုလုပ်ခဲ့ပါတယ်။ အသက် ၄၁ နှစ်ရှိ Moses Gibson ဟာ သူ့ရဲ့ ၅ ပေ ၅ လက်မအရပ်ကြောင့် ယနေ့အထိ ရုန်းကန်နေရပါတယ်။ သူဟာ သူရဲ့အရပ်ကို တိုးမြင့်လာစေဖို့အတွက် ဆေးဝါးနှင့် ဝိညာဉ်ရေးဆရာ အပါအဝင် အမျိုးမျိုးသော အရာတွေကို ကြိုးစားခဲ့ပါတယ်။

ဆေးဝါးရော ဝိညာဉ်ဆရာပါ မအောင်မြင်တဲ့အခါ ဈေးကြီးပြီး နာကျင်တဲ့နည်းလမ်းနဲ့ ခြေထောက်ကို ရှည်အောင် ခွဲစိတ်ဖို့ ဆုံးဖြတ်ခဲ့ပါတယ်။ ဆော့ဖ်ဝဲလ်အင်ဂျင်နီယာနဲ့ Uber ယာဉ်မောင်းတစ်ဦးဖြစ်တဲ့သူဟာ သုံးနှစ်တာကာလအတွင်း ခွဲစိတ်မှုအတွက် ဒေါ်လာ ၇၅,၀၀၀ စုဆောင်းနိုင်ခဲ့ပါတယ်။

သူသည် ၂၀၁၆ ခုနှစ်မှာ ခွဲစိတ်မှုကိုဆောင်ရွက်ခဲ့ပြီး သူ့ရဲ့အရပ်ကို ၃ လက်မထပ်တိုးခဲ့ပါတယ်။ မတ်လတွင် သူဟာ အရပ် ၂ လက်မထပ်တိုးဖို့ ဒုတိယအကြိမ်ခွဲစိတ်မှုအတွက် ဒေါ်လာ ၉၈,၀၀၀ သုံးစွဲခဲ့ပါတယ်။ ယခုအခါ သူဟာ ဖြတ်ထားတဲ့ အရိုးကို တစ်ကြိမ်လျှင် တစ်မီလီမီတာ ခွဲထုတ်ဖို့ တစ်နေ့ကို သုံးကြိမ် အရပ်ရှည်တဲ့ ကိရိယာကို အသုံးပြုနေပြီလို့ သိရပါတယ်။ နာကျင်မှုနှင့်စျေးနှုန်းတွေကြောင့် Mr Gibson ဟာနောင်တမရပါဘူး။

သတင်း အရင်းအမြစ်៖ New York Post