လတ်တလောမှာ ရုံးပိတ်ရက်တွေ စတင်ပြီမို့ နယ်ပြန်သူ ၊ အိမ်ပြန်သူတွေများလာကြပါပြီ။ အဲ့သလို ခရီးသွားတွေ များလာတဲ့ကာလဖြစ်တဲ့ ယမန်နေ့ ဧပြီလ(၇)ရက်နေ့ ၊ ညဘက်က ဧရာ၀တီတိုင်း၊ မြောင်းမြမြို့ ရွေးမြစ်အတွင်း သင်္ဘောတစ်စီး မီးလောင်ပြီး ပါလာတဲ့ ခရီးသည် (၃) ဦး အပြင်းအထန် ဒဏ်ရာရရှိခဲ့တယ်လို့ ဒေသခံတွေပြောကြားချက်အရ သိခဲ့ရပါတယ်။

အဆိုပါ သင်္ဘောမီးလောင်တဲ့ ဖြစ်စဉ် ဟာ ဧရာဝတီတိုင်းဒေသကြီး၊ မြောင်းမြခရိုင်၊ မြောင်းမြမြို့နယ်၊ မြရတနာရပ်ကွက်၊ ရွေးမြစ်(မြောင်းမြ)မြစ်အတွင်း ယမန်နေ့၊ ဧပြီလ (၇) ရက်နေ့ ၊ ည (၇) နာရီအချိန်က ဖြစ်ပွားခဲ့တာဖြစ်ပြီး မြောင်းမြမြို့ကနေ ကံဘဲ့ရွာကိုပြေးဆွဲနေတဲ့ တင်ဌေးဦး အမည်ရှိတဲ့ သင်္ဘောမီးလောင်မှုဖြစ်ခဲ့တာလို့သိရပါတယ်။

အဆိုပါ တင်ဌေးဦး အမည်ရ သင်္ဘော မီးလောင်မှုကြောင့် အမျိုးသား(၂)ဦး ဟာ မစိုးရိမ်ရတဲ့အနေအထားနဲ့ ထိခိုက်ဒဏ်ရာ ရရှိခဲ့ပြီး အမျိုးသမီး( ၁)ဦး က တော့ စိုးရိမ်ရတဲ့အခြေအနေနဲ့ ထိခိုက်ဒဏ်ရာရရှိခဲ့တာကြောင့် သစ္စာရှင်လူမှုကူညီရေးအသင်းမှ သူနာတင်ယာဉ်ဖြင့် မြောင်းမြမြို့နယ်ပြည်သူ့ဆေးရုံသို့ ပို့ဆောင်ပေးခဲ့ကြောင်း သိရပါတယ်။