ဒီကနေ့ မတ် (၁၇)ရက်နေ့ ၊ မနက် (၁၂)နာရီ (၁၅)မိနစ် မှာ ယူရိုပါလိဂ်ပွဲစဉ် အဖြစ် စပိန်အသင်းတစ်သင်းဖြစ်တဲ့ ရီးရဲလ်ဘက်တစ်အသင်း နဲ့ မန်ချက်စတာယူနိုက်တက်အသင်းတို့ တွေ့ဆုံခဲ့ကြပြီး အဆိုပါပွဲစဉ်ဟာ ပရိသတ်စိတ်ဝင်စားမှုအရရှိဆုံးပွဲစဉ်ဖြစ်ပြီး ရေပန်းစားနေခဲ့ပါတယ်။
အဆိုပါပွဲစဉ် မတိုင်ခင်ကလည်း ဆောက်သမ်တန်အသင်းနဲ့ မန်ချက်စတာယူနိုက်တက်အသင်းတို့ ယှဉ်ပြိုင်ကစားခဲ့ရာ မန်ချက်စတာယူနိုက်တက် အသင်းသား ကတ်စမဲရိုးဟာ အနီကတ် ထိခဲ့တဲ့အပြင် အဆိုပါပွဲမှာပဲ ကစားသမား ဂါနာချိုက အပြင်းအထန် ဒဏ်ရာရရှိခဲ့တာကြောင့်အခုပွဲစဉ်မှာ အားနည်းနေမလား ၊ ပင်ပန်းနေကြမလားဆိုတာကို ပရိသတ်က စိတ်ဝင်စားနေခဲ့တာဖြစ်ပါတယ်။
အခုပွဲစဉ်ရဲ့ ပထမပိုင်းမှာတော့ မန်ချက်စတာယူနိုက်တက်အသင်း နဲ့ ရီးရဲလ်ဘက်တစ်အသင်းတို့ဟာ ဂိုးမရှိ ရလဒ်ဖြင့် သရေကျခဲ့ပေမယ့် ဒုတိယပိုင်းအပြီးမှာတော့ မန်ချက်စတာယူနိုက်တက် ဟာ ရက်ရှ်ဖို့ ရဲ့ ဂိုးနဲ့ (၁-၀) ရလဒ်ဖြင့် အနိုင်နဲ့ပိုင်းခဲ့တာဖြစ်ပါတယ်။ မန်ချက်စတာယူနိုက်တက်အသင်း ဟာ အခုလို နည်းပြတန်ဟက်ဂ် ရဲ့ လက်အောက်မှာ စနစ်တကျ ပြန်လည်တည်ဆောက်နေတာကိုမြင်ရတာ ပရိသတ်တစ်ယောက်အနေနဲ့အတော်လေး ကျေနပ်ရပါတယ်။
