ယာဉ်မောင်းလိုင်စင်ရဖို့အတွက် ၃ နှစ်ကျော် ယာဉ်မောင်းစာမေးပွဲဖြေခဲ့ရသူ

သင့်ဘဝမှာ ယာဉ်မောင်းလိုင်စင်ရဖို့အတွက် ယာဉ်မောင်းစာမေးပွဲကို ဘယ်နှခါ ကြိုးစားဖြေခဲ့ရဖူးပါသလဲ။ တချို့ကတော့ ၁ခါ ၂ခါ ရတာရှိပေမယ့် တချို့ကတော့ ၁၀ခါကျော်လောက်မှ ရတာမျိုးတွေရှိပါတယ်။ ဒါပေမယ့် ကမ္ဘာပေါ်က လူတစ်ယောက်ကတော့ အကြိမ် ၉၀၀ ကျော်မှ သူမရဲ့ ကားမောင်းလိုင်စင်ကိုရရှိခဲ့ပါတယ်။

Cha Sa-soon ဟာ ဆိုးလ်မြို့တောင်ဘက် ကီလိုမီတာ ၁၈၀ ခန့်အကွာရှိ Wanju ခရိုင်က ရွာဖြစ်တဲ့ Sinchon မှာ တစ်ယောက်တည်းနေထိုင်သူဖြစ်ပါတယ်။ “Grandma Cha Sa-soon” လို့ သိကြတဲ့ ဒီအမျိုးသမီးဟာ ယာဉ်မောင်းစာမေးပွဲကို အကြိမ်ရာပေါင်းများစွာ ကျရှုံးခဲ့ပေမယ့် ဘယ်တော့မှ အရှုံးမပေးခဲ့ပါဘူး။ ဒါကြောင့်ပဲ သူမရဲ့ ၉၆၀ မြောက်ကြိမ် ကြိုးစားမှုမှာတော့ သူမရဲ့လိုင်စင်ရခဲ့ပါတယ်။

သူမဟာ ၂၀၀၅ ခုနှစ်ကစပြီး သုံးနှစ်ကြာအောင် စာမေးပွဲဖြေခဲ့ရတာပါ။‌ တစ်ပတ်ကို ငါးရက်တစ်ကြိမ် ဖြေခဲ့ပါတယ်။ အဲ့နောက်မှာတော့ သူမဟာ နှစ်ပတ်တစ်ကြိမ်ထိ လျော့နည်းလာပါတယ်။ ဒါပေမယ့် သူမဟာ ဘယ်တော့မှ နှုတ်မထွက်ခဲ့ပါဘူး။ သူမစာမေးပွဲ အောင်သွားချိန်မှာတော့ အွန်းလိုင်းမှာ ပျံ့နှံခဲ့ပြီး လူတွေဟာ သူမကို ကားတစ်စီးလက်ဆောင်ပေးခဲ့ကြပါတယ်။ ကျရှုံးမှုတွေဘယ်လောက်များများ ဘယ်တော့မှအရှုံးမပေးခဲ့တဲ့ သူမရဲ့စိတ်ဓာတ်ကတော့ အံ့ဩစရာပါပဲ။