မိန်းမဖြစ်သူအပေါ် ဖောက်ပြန်နေတယ်ဆိုတဲ့ ကောလဟာလတွေကို ရဲရဲဝံ့ဝံ့ငြင်းဆိုလိုက်တဲ့ ရော်နယ်ဒို

သိပ်မကြာခင်ရက်ပိုင်းတုန်းက ကမ္ဘာကျော်ဘောလုံးဘုရင်လို့တင်စားခေါ်ဝေါ်ကြတဲ့ စီရော်နယ်ဒို နဲ့ ပတ်သက်လို့ မကောင်းသတင်းတစ်ပုဒ်ထွက်လာခဲ့ပါတယ်။ အဆိုပါသတင်းကတော့ ရော်နယ်ဒို ဟာ ဗင်နီဇွဲလားနိုင်ငံသူ Blogger တစ်ယောက်နဲ့ အတူအိပ်ကာ ဖောက်ပြန်ခဲ့တယ်ဆိုတဲ့ သတင်းပါ။

Georgilaya အမည်ရ ဗင်နီဇွဲလားနိုင်ငံသူ က သူမနဲ့ ရော်နယ်ဒို တို့ဟာ အတူအိပ်ခဲ့ဖူးပြီး ရော်နယ်ဒို က သူ့ရဲ့ မိန်းမအပေါ် ဖောက်ပြန်ခဲ့ဖူးကြောင်း လူမှုကွန်ယက် ပေါ်မှာ ပေါ်တင် စွပ်စွဲခဲ့တာဖြစ်ပါတယ်။ Georgilaya က ပြောထားချက်အရဆိုရင် ရော်နယ်ဒို ဟာ သူမနဲ့ လိင်မဆက်ဆံမှီမှာတောင် Selfie ပုံတူတူရိုက်ခဲ့သေးတယ် လို့ အတိအလင်းပြောကြားလာတာဖြစ်ပါတယ်။

အဆိုပါ သတင်းနဲ့ ပတ်သက်လို့ ရော်နယ်ဒို ရဲ့ပြောရေးဆိုခွင့်ရှိသူ က ' ဒါဟာလုံးဝမှားယွင်းပြီး ရော်နယ်ဒိုကို အသရေဖျက်တာဖြစ်ပါတယ်။ ရော်နယ်ဒို ရဲ့ အောင်မြင်ကျော်ကြားမှုကြောင့်အခုလိုဖြစ်တာပါ ' လို့ပြောကြားခဲ့သလို ရော်နယ်ဒိုကိုယ်တိုင်ကလည်း ဒီကိစ္စဟာ သူ့ကို အသရေဖျက်တာဖြစ်ကြောင်း ၊ ဒီကိစ္စဟာ လုံးဝအမှားဖြစ်ကြောင်းပြောလာခဲ့ပါတယ်။