ဂေါ်ဖီထုပ်စားခြင်းရဲ့ ကောင်းကျိုးများ

မြန်မာနိုင်ငံရဲ့ဈေးကွက်ထဲမှာ ဝယ်ရတာလဲလွယ်ကူသလို ဈေးသက်သာပြီး ရာသီအချိန်မရွေးဝယ်စားနိုင်တဲ့ ဂေါ်ဖီထုပ်ကတော့ ကင်ဆာရောဂါကို ကာကွယ်ပေးနိုင်တဲ့ စားစရာတစ်ခုဆိုရင်လဲ မမှားပါဘူး။

ဂေါ်ဖီ မှာပါတဲ့ anthocyanins က ကင်ဆာ မဖြစ်အောင် ကာကွယ်ပေးသလို နာကျင်ရောင်ရမ်းမှုကို သက်သာစေနိုင်တာကြောင့် နှလုံးသွေးကြောတွေကို ကျန်းမာစေပြီး နှလုံးကို သွေးစီးဆင်းမှု ကောင်းစေပါတယ်။

ဂေါ်ဖီထုပ်မှာ ဗီတာမင် C၊ ဗီတာမင် A တို့ ကြွယ်ဝစွာ ပါဝင်နေတာကြောင့် ကိုယ်ခံအားကို အကောင်းဆုံး အားဖြည့်ပေးနိုင်ပါတယ်။ ဒါတွေအပြင် ဂေါ်ဖီမှာ ခန္ဓာကိုယ် ကျန်းမာစေဖို့ အားဖြည့်ပေးတဲ့ အာဟာရဓာတ်များစွာ ပါဝင်နေပါတယ်။

အမျှင်ဓာတ် ပါဝင်နေမှုက အဆာခံနိုင်စေဖို့ အားဖြည့်ပေးပြီး အစား ခဏခဏ မစားမိအောင် ကာကွယ်ပေးတာကြောင့် အဝမလွန်အောင် ကာကွယ်ပေးပါတယ်။ ဝိတ်ချနေသူတွေ အတွက်လည်း အထူး သင့်တော်ပါတယ်။

ဂေါ်ဖီထုပ်ဟာ အူလမ်းကြောင်းအတွက် ကောင်းကျိုးပြုတဲ့အစာတွေလည်း ဖြစ်ပါတယ်။ ဂေါ်ဖီနွယ်ဝင် ဟင်းသီးဟင်းရွက်တွေကို အစာခြေလိုက်တဲ့အခါမှာ အင်ဒိုးသရီးကာဘင်နော ဆိုတဲ့ ဓာတ်ပစ္စည်းထွက်ပါတယ်။ ဟင်းချက်တဲ့ အခါ အဲဒီ အင်ဒိုးသရီးကာဘင်နော ဓာတ်ကို မပျက်မစီးအောင်ထိန်းသိမ်းဖို့လိုပါတယ်။ ဒါကြောင့် အဆိုပါဓာတ်တွေ  မပျက်ဆီးအောင် “အကျက်လွန်အောင် မချက်၊ မကြော်ဖို့” လိုပါတယ်နော်။