တရုတ်နိုင်ငံတွင် ဇန်နဝါရီ ၁၉ ရက်အထိ ရက်သတ္တပတ်အတွင်း COVID-19 သေဆုံးမှု ၁၂,၀၀၀ ကျော်ရှိကြောင်း NHK ရဲ့ ဖော်ပြချက်တွေအရ သိရပါတယ်။ ကြာသပတေးနေ့အထိ ခုနစ်ရက်အတွင်း ကိုရိုနာဗိုင်းရပ်ကူးစက်ခံထားရသူ ၁၂၀၀၀ ကျော် သေဆုံးခဲ့ကြောင်း တရုတ်ကျန်းမာရေးအာဏာပိုင်များက အတည်ပြုပြောကြားခဲ့တာ ဖြစ်ပါတယ်။
ဇန်နဝါရီ ၁၃ ရက်မှ ၁၉ ရက်အထိ ဆေးဘက်ဆိုင်ရာဌာနများတွင် လူနာ ၁၂၆၅၈ ဦး သေဆုံးခဲ့ကြောင်း ၊ အသက်ရှုလမ်းကြောင်းဆိုင်ရာ ချို့ယွင်းမှုကြောင့် လူ ၆၈၁ ဦး သေဆုံးခဲ့ပြီး ၁၁,၉၇၇ ဦးဟာ နောက်ဆက်တွဲရောဂါများဖြင့် သေဆုံးခဲ့ကြောင်း တာဝန်ရှိသူများက ပြောကြားခဲ့ပါတယ်။
ဒီထုတ်ပြန်ချက်ဟာ တရုတ်အစိုးရက တရားဝင်သေဆုံးမှုအရေအတွက်ကို ခုနစ်ရက်အတွင်း ပထမဆုံးအကြိမ်အဖြစ် ကြေညာချက်လည်း ဖြစ်ပါတယ်။ စနေ့နေ့မှာ စတင်ခဲ့တဲ့ နှစ်သစ်ကူးအားလပ်ရက်တွေအတွင်း ပြည်သူတွေဟာ ဇာတိရပ်ရွာတွေကို ခရီးသွားရောက်ကြခြင်းတွေကြောင့် ကျေးလက်ဒေသတွေမှာ ရောဂါကူးစက်မှုတွေ မြင့်တက်လာမှာကို စိုးရိမ်မှုတွေ မြင့်တက်နေပါတယ်။