မနေ့ညက ကစားခဲ့တဲ့ပွဲမှာ ဘရာဇီးအသင်းဟာ ခရိုအေးရှား အသင်းကို ပင်နယ်တီအဆုံးအဖြတ်ဖြင့်ရှုံးနိမ့်ခဲ့ပြီး ပြိုင်ပွဲကနေ ထွက်ခွာခဲ့ရပါတယ်။ ထိုပွဲအပြီးမှာ ဘရာဇီးစတား နေမာ အနေနဲ့ ဝမ်းနည်းလွန်းပြီး ဟန်မဆောင်နိုင်ပဲ ငိုကြွေးခဲ့ပါတယ်။
ဘရာဇီးအသင်းဟာ ပြိုင်ပွဲမစတင်ခင်တည်းက ရေပန်းအစားဆုံးအသင်းဖြစ်ပြီး ပရိသတ်အများစုကလည်း ဒီပြိုင်ပွဲမှာ ဘရာဇီးအသင်းပဲ အနိုင်ရဗိုလ်ဆွဲသွားမယ် ထင်မှတ်ထားခဲ့ကြတာပါ။ ဘရာဇီးဟာ အုပ်စုအတွင်းမှာလည်းအခြေအနေကောင်းခဲ့ပြီး (၁၆) သင်းအဆင့်မှာလည်း တောင်ကိုရီးယားအသင်းကို ဂိုးပြတ်ချေမှုန်းခဲ့ပါတယ်။ ဒါပေမယ့် ခရိုအေးရှားနဲ့ပွဲမှာတော့ ဘရာဇီးရဲ့ကစားပုံဟာ စိတ်ပျက်စရာကောင်းနေခဲ့ပြီး နောက်ဆုံးမှာတော့ အံ့အားသင့်ဖွယ်ရှုံးနိမ်ခဲ့ကာ အိမ်ပြန်ခဲ့ရပါတယ်။
နေမာအနေနဲ့လည်း အုပ်စု ပထမပွဲမှာတင် ဆားဘီးယား ကစားသမားရဲ့ ဖြတ်ထုတ်ပုံကြမ်းတမ်းမှုကြောင့် ဒဏ်ရာရရှိခဲ့ပြီး တောင်ကိုရီးယားနဲ့ ပွဲမှသာပြန်လည်ပါဝင်ခဲ့တာပဲဖြစ်ပါတယ်။မနေ့ကပွဲမှာတော့ နေမာဟာ ဦးဆောင်ဂိုးသွင်းယူပြီး အသင်းကိုကူညီခဲ့ပေမယ့် ဘရာဇီးအသင်းအနေနဲ့တော့ နောက်တစ်ဆင့်ကိုတက်ဖို့မစွမ်းဆောင်နိုင်ခဲ့တာပဲဖြစ်ပါတယ်။ဒါကြောင့်နေမာအနေနဲ့ ပွဲအပြီးမှာ ရှိုက်ကြီးတငင် ငိုကြွေးခဲ့တာပဲဖြစ်ပါတယ်။
ပြိုင်ပွဲမစတင်ခင်တည်းက နေမာက ဒီကမ္ဘာ့ဖလားဟာ သူ့အတွက်နောက်ဆုံးကမ္ဘာ့ဖလားဖြစ်နိုင်တယ် လို့ဆိုခဲ့ပြီး ဘရာဇီးပရိသတ်တွေသာမကပဲ ဘောလုံးပရိသတ်တွေကပါ နောက်ကမ္ဘာ့ဖလားမှာပါ နေမာကို မြင်ချင်နေကြတာဖြစ်ပါတယ်။ဘာပဲဖြစ်ဖြစ် နေမာကို အခုလိုဝမ်းနည်းမှုကနေ အမြန်ဆုံးရုန်းထွက်စေချင်မိပါတယ်။
Photos: credit
Bong I.T