ရုရှားမှာ နှစ်ပေါင်း ၄၈,၀၀၀ သက်တမ်းရှိ အေးနေတဲ့ ရှေးဟောင်းဗိုင်းရပ်ပိုးများ ရှာတွေ့

ရုရှားနိုင်ငံရှိ အေးခဲနေတဲ့ Yukechi Alas ရေကန်အောက်ခြေမှာ ပိတ်လှောင်ခံထားရတဲ့ နှစ်ပေါင်း ၄၈,၀၀၀ သက်တမ်းရှိ ရှေးဟောင်းဗိုင်းရပ်တစ်ဒါဇင်ကျော်ကို ပြင်သစ်အမျိုးသားသိပ္ပံသုတေသနစင်တာမှ သိပ္ပံပညာရှင်များက ရှာဖွေတွေ့ရှိခဲ့ပါတယ်။ အဆိုပါ ဇွန်ဘီဗိုင်းရပ်စ်ပိုးဟာ ပြန်လည်ကူးစက်ဖို့ အဆင်သင့်ဖြစ်ပြီး ကူးစက်ပျံ့နှံ့နိုင်ဖွယ်အလားအလာရှိတာကြောင့် နောက်ထပ်ကပ်ရောဂါတစ်ခုဖြစ်ပွားလာမှာကို ပညာရှင်များက စိုးရိမ်နေကြပါတယ်။

အဲဒီ ဇွန်ဘီဗိုင်းရပ်စ်တွေထဲမှာ Pandoravirus yedoma လို့ အမည်ပေးထားတဲ့ အသက်အကြီးဆုံးဟာ နှစ်ပေါင်း ၄၈,၅၀၀ ရှိပြီဖြစ်ပြီး ၂၀၁၃ ခုနှစ်မှာ အဖွဲ့တစ်ခုတည်းမှရှာဖွေတွေ့ရှိခဲ့တဲ့ ဗိုင်းရပ်စ်ဟောင်း နှစ် ၃၀,၀၀၀ ရဲ့ ယခင်စံချိန်ကိုချိုးဖျက်ခဲ့ပါတယ်။

အဆိုပါ မျိုးကွဲဗိုင်းရပ်စ်ဟာ လေ့လာမှုမှာ တွေ့ရှိခဲ့တဲ့ ဗိုင်းရပ်စ် ၁၃ မျိုးထဲမှ တစ်ခုဖြစ်ပြီး တစ်မျိုးစီမှာ ၎င်း၏ ဂျီနိုမ်ပါရှိတယ်လို့ ဆိုပါတယ်။ မကြာသေမီကလည်း ဆိုက်ဘေးရီးယားဝံပုလွေရဲ့ အူများထဲမှာ အခြားဗိုင်းရပ်စ်များကို တွေ့ရှိခဲ့ပါသေးတယ်။

သတင်း အရင်းအမြစ်៖ Source - News York Post