ပစိဖိတ်သမုဒ္ဒရာထဲက ကမ္ဘာ့အကြီးဆုံးမီးတောင် တနင်္လာနေ့ (နိုဝင်ဘာ ၂၈ ရက်)မှာ နှစ် ၄၀ အတွင်း ပထမဆုံးအကြိမ် ပေါက်ကွဲပြီး ချော်ရည်များနှင့် ပြာများ ပေါက်ထွက်ခဲ့ပါတယ်။ အဆိုပါ ကမ္ဘာ့အကြီးဆုံး ဒီမီးတောင်ဟာ Mauna Loa အမည်ရှိပြီး ပစိဖိတ်သမုဒ္ဒရာထဲက ဟာဝိုင်အီကျွန်းတစ်ခုပေါ်မှာ တည်ရှိတာ ဖြစ်ပါတယ်။

မီးတောင်ပေါက်ကွဲမှုမှ ထွက်ပေါ်လာတဲ့ ချော်ရည်ပူတွေဟာ ကျွန်းပေါ်မှာ စီးကျနေသလို၊ မီးခိုးတွေနဲ့ ပြာမှုံတွေလည်း တစ်ကျွန်းလုံးကို ဖုံးလွှမ်းနေတာ ခဲ့တယ်လို့ သိရပါတယ်။

မီးတောင်ပေါက်ကွဲမှုဇုန်အောက်ရှိ လူများကို လောလောဆယ် ခြိမ်းခြောက်မှုမရှိကြောင်း အေဂျင်စီက ပြောကြားခဲ့ပေမယ့် မီးတောင်ဟာ မငြိမ်မသက်ဖြစ်နေကြောင်း သတိပေးထားတယ်လို့ ဆိုပါတယ်။

ဟာဝိုင်အီကျွန်းများရှိ မီးတောင်ခြောက်ခုအနက်မှ တစ်ခုဖြစ်တဲ့ Mauna Loa ဟာ ၁၈၄၃ ခုနှစ်ကတည်းက ၃၃ ကြိမ် ပေါက်ကွဲခဲ့ပါတယ်။ ၎င်းရဲ့နောက်ဆုံးမီးတောင်ပေါက်ကွဲမှုဟာ ၁၉၈၄ ခုနှစ်မှာဖြစ်ပြီး အဲ့ဒီတုန်းက ၂၂ ရက်ကြာမြင့်ခဲ့ပါတယ်။

သတင်း အရင်းအမြစ်៖ Source - CNA