ဂျာမနီကိုအံ့အားစရာအနိုင်ယူပြီးမှာ အသုံးပြုခဲ့တဲ့ အဝတ်လဲခန်းကိုပါ သန့်ရှင်းနေအောင် ရှင်းပေးခဲ့တဲ့ ဆာမူရိုင်းများ

ကာတာ ကမ္ဘာ့ဖလားပြိုင်ပွဲ အုပ်စု (E) ပွဲစဉ်မှာ ဂျပန်အသင်းက ဂျမနီအသင်းကို (၂-၁) ဂိုးဖြင့် အနိုင်ယူပြီး တစ်ကမ္ဘာလုံးကို အံ့အားသင့်အောင် လုပ်ပြနိုင်ခဲ့ပါတယ်။ ဒါအပြင့် ဂျပန်ကစားသမားတွေဟာ Khalifa International Stadium ရှိ သူတို့ရဲ့ အဝတ်လဲခန်းကိုလည်း လုံးဝအညစ်အကြေးမရှိအောင် သေသေသပ်သပ် ရှင်းလင်းပေးခဲ့ကြပါတယ်။

ဆိုရှယ်မီဒီယာမှာ မျှဝေထားတဲ့ ဓာတ်ပုံတွေအရ ကြမ်းပြင်တွေအစ ပြောင်နေအောင် သုတ်သင်ရှင်းလင်းပြီး အမှိုက်တွေကို သပ်သပ်ရပ်ရပ် ထုတ်ပိုးပေးထားခဲ့ပါတယ်။ ဒါ့အပြင် အခန်းကိုလည်း လေဝင်လေထွက်ရအောင် ပြတင်းပေါက်တွေကို ဖွင့်ထားပေးခဲ့ပါတယ်။

ပြီးတော့ စာပွဲခုံပေါ်မှာလည်း စက္ကူဖြင့်လုပ်ထားတဲ့ အိုရီဂါမီ ငန်းရုပ်လေးတွေအပြင် ဂျပန်နှင့် အာရဗီဘာသာစကားဖြင့် ကျေးဇူးတင်စာလွှာတစ်စောင် ချန်ထားခဲ့ပါတယ်။ ဒီလိုလေးစားစရာ အပြုအမူကြောင့် တစ်မ္ဘာလုံးရှိ အင်တာနက် သုံးစွဲသူများရဲ့ ချီးကျူးမှုကို ရရှိခဲ့ပါတယ်။

သတင်း အရင်းအမြစ်៖ Source - Daily Mail