ထိုင်းနိုင်ငံ ၊ ဘန်ချလုံဈေးနားမှာ ရှိပြီး မြန်မာအလုပ်သမားအများစု အလုပ်လုပ်နေကြတဲ့ Aerosoft ဖိနပ်စက်ရုံကြီး ဟာ ဒီကနေ့ နိုဝင်ဘာ(၁၅)ရက်နေ့ ညနေ (၅) နာရီ (၂၅) မိနစ်လောက်က စတင်ကာ မီးစတင်လောင်ကျွမ်းမှုဖြစ်ပွားခဲ့တယ်လို့ သိရပါတယ်။
အဆိုပါ Aerosoft စက်ရုံဟာ ညနေစောင်းတည်းက မီးစတင်လောင်ကျွမ်းမှုဖြစ်ပွားခဲ့ပြီး လွန်ခဲ့တဲ့ (၉)နာရီအချိန်အထိ မီးထိန်းလို့တောင်မရသေးဘူးလို့ နီးစပ်ရာများမှ တဆင့် သိရပါတယ်။
ဒီ စက်ရုံမှာ မြန်မာ အလုပ်သမား အများစု အလုပ်လုပ်ကိုင်နေကြတာဖြစ်ပြီး ပိတ်မိနေတဲ့သူ တွေရှိသလို ထိခိုက်ဒဏ်ရာရသူလည်းရှိနေပြီး ၎င်း ပါဝင်သူအားလုံးရဲ့ အရေအတွက်ကိုတော့ မသိရသေးဘူးလို့ သိရပါတယ်။ မီး ငြိမ်းလို့ရကာမှ အခြေအနေကိုဆက်လက်တင်ပြသွားမှာမို့ ဆက်လက်စောင့်ကြည့်ဖို့ပြောရင်း ဖော်ပြလိုက်ရပါတယ်။
Bong I.T