ထိုင်းနိုင်ငံမှာ အောက်တိုဘာလ ၁၆ ရက်မနေ့ညက ကျင်းပခဲ့တဲ့ Thai Fight မွေထိုင်းလက် ဝှေ့ပြိုင်ပွဲမှာ ကရင်နီတိုင်းရင်းသူလေး လက်ဝှေ့မယ် ဘရော်နီကာက ပြိုင်ဘက် ဘရားဇီးလက်ဝှေ့မယ် Mariana Scombatti ကို အလဲထိုးပြီး အနိုင်ယူခဲ့တယ်လို့ သိရပါတယ်။
အဆိုပါ ပြိုင်ပွဲမှာ ဘရော်နီကာက ဘယ်ခြေညာလက် ၊ဒူးတံတောင် ထိုးချက်တွေကို အသုံးပြုပြီး ပြိုင်ဘက်ကို ဒုတိယအချီမှာ အလဲထိုးသတ်သွားတာ ဖြစ်ပါတယ်။ ကရင်နီတိုင်းရင်းသူလေး ဘရောနီကာဟာ လက်ရှိအချိန်ထိ ပွဲပေါင်း ၃၀ ကျော် ကစားထားခဲ့ပြီး နိုင်ပွဲ ၁၆ပွဲ၊ ရှုံးပွဲ ၂ ပွဲ၊ သရေ ၁၇ ပွဲ ရရှိထားသူလည်း ဖြစ်ပါတယ်။
ဘရော်နီကာရဲ့ ပြိုင်ဘက် ဘရားဇီးနိုင်ငံသူ Mariana Scombatti က မွေထိုင်းလက်ဝှေ့ပြိုင်ပွဲမှာ နိုင်ပွဲ ၂၅ပွဲထိရရှိထားတဲ့ သူတစ်ယောက်လည်း ဖြစ်ပါတယ်။ ပရိသတ်တွေကလည်း ကျွန်တော်တို့ရဲ့ ကရင်နီတိုင်းရင်းသူလေး ဘရော်နီကာကို ဒီထက်မက နိုင်ပွဲတွေကို ရယူနိုင်အောင် ဆုတောင်းပေးလိုက်ပါဦး။
သတင်း အရင်းအမြစ်៖ Source - ကန္တာရဝတီတိုင်း(မ်)
Bong I.T